مبروووووك فوز الرئيس البشير مقدماً

bushra mubark الجمعة أبريل 16, 2010 1:40 pm

ألف مبروووك ولو كان يسمح للاجانب بالتصويت لوجد أوكامبو نفسه يصّوت للبشير دون أن يشعر !! لانو سوف يجد الناس متزاحمين على صف البشير والباقى فاضى يكركب

فوز عمر البشير هدية للسودان

وبى عمر البشير......تتأمن الاوطان

ضابط جيش رصين حايز على النيشان

واصل فى كفاحك وشعبك إسود إسود ميدان

التحية لكل سودانى يشبة فى أخلاقة أخلاق عمر البشير الحافظ للقرآن والمعروف قبل الرئاسة معروف أخو أخوان معروف كان رياضى وكم شارك العدمان ومعروف فيهو واجب وكم عزى فى الغرقان وكم شارك فريقو فى نفيرو والبنيان وكم زار الصديق وكم ساعد العدمان وما قالو الفسل ودايماً مع الضيفان وألزى البشير ياهو البحفظ السودان الماخان العهود وما قالو ليهو جبان وما زار السفارات فى السر والكتمان ودايما هو قايد ودليل مع الضهبان وياكل فى فطورو ياكل مع الحبان وأسأل منو كوبر جيرانو والسكان وأسال من أهلو الفيهم عظيم الشان قبال مايكون رئيس معروف كبير حيشان وفى حوش بانقا لعب مع الصبيان ومن توبنا وطبعا وطبعو كلو حنان يمسح لليتم الدمعة بالاحسان ويزور أم الشهيد يديها كل أمان وتفرح جد معاهو وتدعو ليهو كمان وكم فرح الجميع وعرضو بالاغصان وقطعوا للجريد والرطب أطنان وزعو للهدايا وضبحوا للخرفان مبسوطين كتير ونهدى لكل حيران وللجعلى الكبير وللجعلى الصغير نقولو أرقد آمان وإن شاء الله مع البشير تشوف وماك عميان وكم من مشروع كبير وبترولنا لينا ضمان وإنعدمت صفوف وإترصّ كم بنبان والشرطة الوفية (إحتياطى فى الميدان أبوطيرة الجسور الحارس أمدرمان) ومبروووك يالبشير ومبرووووك كمان وكمان وعقبال الدوائر فى كل ربوع سودان وعقبال الدوائر فى كل ربوع سودان .