يطلّق زوجته لطلبها أغنية كمال ترباس (إنت المهم ) ورد حلمنتيشى من بشرى مبارك

bushra mubark الجمعة مارس 19, 2010 10:52 am

رجل يطلق زوجته بسبب أغنية كمال ترباس

--------------------------------------------------------------------------------
طلق زوج سوداني زوجته باحدى صالات الغناء الشهيرة بالخرطوم وذلك بسبب أغنية (أنت المهم ) لكمال ترباس .
رمى الزوج يمين الطلاق علي زوجته التي جاءت تشاركه أمسية غنائية بعد أن طلبت من الفنان أغنية (أنت المهم ) الامر الذي جعل الزوج يعتبرها خيانة زوجيه مفضوحة ظنا منه أن زوجته تهدي الأغنية لغيره .

bushra mubark الجمعة مارس 19, 2010 11:32 am

كانت تقول ليهو:

إنت المهم مقصودة ليك حا تلمنى ؟
أمر الطلاق مردود عليك ما بهمنى
ليه الطلاق وليه الشكوك ماتذمنى
غيرك كتير شوف يأمير ألتمنى وألمتنى
وإنت المهم والناس كتير ما تهمنى
رد الحبل وسيب الزعل لو كان بحلك حلنى
أنا ليك وفيه وجيت معاك ما تُغمنى
خلينى بيك أفرح دوام كيف بالطلاق بتزلنى وبتزلنى
بس رغم الطلاق إنت الملاك وأبوملاك ماتعلنى
رجعنى لى بيتى الكبير وحمودى دمعو بشلنى
بس لو طلبت حلو النغم تزعل سريع وتفننى
معقوله بس فى كلمة واحده وإنت المهم والناس جميع ما تهمنى
أنساها بس لحظة غضب وبى حنانك ضمنى
وإنت المهم والناس جميع ما تهمنى
وتانى بس أطلب رضاك والحلفة تانى تسمنى
بس إنت المهم رغم الطلاق حننتنى
ورجعت ليك لى ملاك وحمودى أصلو بهمنى
وإنت وملاك وغيركم هلاك بس بى حنانك ضمنى
وإنت المهم والناس جميع ماتهمنى

يطلّق زوجته لطلبها أغنية كمال ترباس (إنت المهم ) ورد حلمنتيشى من بشرى مبارك

يطلّق زوجته لطلبها أغنية كمال ترباس (إنت المهم ) ورد حلمنتيشى من بشرى مبارك

رد: يطلّق زوجته لطلبها أغنية كمال ترباس (إنت المهم ) ورد حلمنتيشى من بشرى مبارك