سلام أصيل قصيده عن السلام تأليف بشرى مبارك إدريس

استعرض الموضوع السابق استعرض الموضوع التالي اذهب الى الأسفل

سلام أصيل قصيده عن السلام تأليف بشرى مبارك إدريس

مُساهمة  bushra mubark في السبت يناير 30, 2010 6:21 pm


فى العام 2005 شهد السودان أحداث هامة ففى يناير من بداية العام وتحديداً يوم 9 يناير تم التوقيع على إتفاقية نيفاشا للسلام بين الحركة الشعبية لتحرير السودان بجنوب السودان والحكومة السودانية ممثله فى المؤتمر الوطنى وقتها وبعد ذلك عاد الدكتور جون قرنق رئيس الحركة الشعبية لتحرير السودان للخرطوم وتم إستقبالة إستقبال الابطال وكان نفس العام قد شهد إنتقال برنامج الخرطوم عاصمة الثقافة العربية وأصبحت الخرطوم أو أنتظمت بالخرطوم برامج ثقافية بدأت منذ بداية العام وتواصلت حتى نهايات العام 2005 وكل هذه المشاهد وخلال شهر يناير وقبل وفاه الراحل جون قرنق كتبت هذه القصيده وأتمنى أن تنال إعجابكم ورأيت أن المناسبة تستدعى نشرها .


بى قدوم الفين وخمسة المولى أهدانا السلام وفى الثقافة أهدانا لمسة
الجميع فرحان سعيد ..... وبالايادى البصمة خمسة
نبنى سودان بى سواعد........ والميادين فيها فسحة
للحروب ننبذ نودع . ..تانى تانى ما تعود لينا نكسة
طه وقرنق شعلة عمل.........شعلة عمل وبلا كلل
شهورطويلة نقاش طويل..... نقاش طويل وبلا ملل
و كان الختام كان الختام سلام أصيل وبلا بلا وجل
فرح الجميع غنى الجميع موسى ومجوك وكمان بلل
عايزين عمل عايزين سواعد صادقة ما عايزين كسل
ويصبح غربنا زى شرقنا وبين جنوبنا وبين شمالنا ما تقدر تقدر تقارن
فى فشودة تقوم مصانع
وفى نيالا الجامبو قابع
وفى برام الدونكى رافع
وفى القرير النخل فارع
أبنى أبنى ياسودانى وأبعد النوم والرقاد
أبنى مليون ميل مربع أبنو يا أخوان سعاد
فى سنين معدوة يصبح جنة خالية من الوهاد
يغنى شادينا ويغنى ويرقصن أخوات وداد

ميرى فى أنزارا دراسة دارسة للطب والعلوم
وعزيرة فى أبوجابرة تسعد وغنى فى فرعو البلوم
موسيقى حالمة ألحان طروبة فيها ألحان يوم بيوم

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى