الهلال جااااااااااااااكم والله أداكم

bushra mubark الخميس يوليو 16, 2009 8:56 pm

--------------------------------------------------------------------------------

لاشك أن ملحمة دور الثمانية للمجموعات والتى سوف تبدأ إن شاء الله يوم السبت القادم بلقاء قمتى الكرة السودانية المريخ والهلال تحتاج الى أن يتوافد الجميع الى المنتدى لكى يجدوا التعليق الجاد والتحليل المنطقى والذى لاتستطيع أن تفرز لون ودالطيب من لون ودالجودلية ولون ودمضوى من لون عوض عبدالرحيم ولون نهى من لون هناء ولون معتز سيد من لون فتى السقاى وحتى أُثرى هذا البوست وأجعله (مولع نار ) أبدأ المديدة حرقتنى بهذه الابيات الهلالية وأتحداكم يا ياسر وودالقاضى (أشعار د. عمر محمود خالد خارج المنافسة ) وأتحداك يا عوض عبدالرحيم لكن والله المريخابية الاسمها نهى دى أشعارة مولعة نار منها خوفه لكن برضو أتحداك (أنا أبوك يا إسراء ) والحكاية قطع أخدر والماعندو شاعر يشوف ليهو مواضبع أخرى جذابة وأمامكم ياود ودالقاضى وودالطيب فرصة حتى قبل صافرة البداية ونعتبركم مهزومين فى باب الشعر (والغريق قدام إن شاء الله ). ونقول بسم الله بدينا إن شاءالله ملينا
قصيدة بعنوان ياهو الهلال معروف خطر
مكان النجر بون ألمانيا الاتحادية نفس المكان الذى قضى فيه المريخابى ودالقاضى أحمد عبد العزيز 6 سنوات تقل أوتكثر وفى منزلى فى حى (لانسدورف )
الزمان الخميس (صفقة ورقيص ) يوم 16 يوليو2009م الساعة الثالثة بعد الظهر ورغم أن القصيدة كتبتها وأنا فى زحمة وذهن مشتت أتمنى أن تنال رضاكم (الهلالاب ) والقبيلة الحمراء ترفع لهم الضغط والسكرى قبل يوم السبت (سلامتكم ) والان الى المديدة أقصد الى القصيدة :

ياهو الهلال .......... معروف خطر
أسال أمين أسأل سبت أسأل أسأل نقر
سيد العروض الرايعة والاهداف مطر
يوم السبت وبى مزاج ... والكل فطر
ومن حلفا راكبين السريع وكمان قطر
من مدنى ....بالبص الجديد المفتخر
ومن جوبا .. بالطايرة والمطر أنهمر
وناس الادارة من الهلال راكبين همر
ومن فاشر السلطان هلال حسنك أمر
ومن كسلا ديل ...... ناس السفر
وفى مروى أعلام الهلال إستاد نفر
******************
ومن البلل من كورتى بالبصات وصل
جمهورنا واثق بالاداء ... قادل نزل
يا سيدا يا سيد الصعب... والمحتمل
من باصك الرايع... يكون هُوّ الامل
أمبيلى هدّف بى مزاج .. والكل قدل
مساوى بالراس فى الشباك مافى القفل
أول ثلاثة من النقاط من غير وجل
نام الجميع ملء الجفون ونجيم أفل
نام الجميع ملء الجفون ونجيم أفل