قصيدة بعنوان حنين الى السودان

استعرض الموضوع السابق استعرض الموضوع التالي اذهب الى الأسفل

قصيدة بعنوان حنين الى السودان

مُساهمة  bushra mubark في الثلاثاء يناير 20, 2009 10:30 am


--------------------------------------------------------------------------------

جينا من سودان حبيب وأرضو غالية
جمعتنا غربة ديار شتات وجمعتنا جالية
ناس مكى من فاشر عريق سلطان وسارية
واولاد سراج اهلى المحس والهمة عالية
********************
مطربنا خالد ودسراج عماد واسماعيل
مرة أدونا الحقيبة مرة الخفيف مرة التقيل
سهرتنا ذى طفلاً صغير يحبو بليل
والشروق قالت توثق ويا ضياء أنت الدليل
********************
فى بون هدوء روعة وجمال راين كنيل
شايلين هموم وطناً عزيز ولعب شليل
ناس فاطنة ديك السمحة بت عمك بليل
سودانا أسرع فى الخطى والخطوة ميل
حملاً عليك من كل فج حملاً تقيل
*******************
ولى غزة نرسل دعمنا وحصارة طال
يا شعبنا أنت الصمود عزة ونضال
وأنت والله الصرامة وانت حاذق فى النبال
وانت ما أنت الكرامة تضرب نصال فوق النصال
تدك على كل الاعادى وتدفن هناك فوق الرمال
ونحن من اصقاع بعيدة ومابنعدم للرجال
نسعى لى وحدة بلادنا ونشرب الصافى الزلال
وفرحة بى خيرات بلدنا وفرحة بى نادى الهلال
وفرحة بى مريخنا شعلة وفرحة بالحارس كمال
لمن تشوف سارية قصورنا تلقى الاجابة لكل سؤال
لمن تشوف سارية قصورنا تلقى الاجابة لكل سؤال

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى