مبرووك فوز الرئيس قصيدة من رائد شرطة معاش بشرى مبارك إدريس بيرمنجهام
صفحة 1 من اصل 1
مبرووك فوز الرئيس قصيدة من رائد شرطة معاش بشرى مبارك إدريس بيرمنجهام
لى فوز الرئيس.. والله ديمه ديمه نبارك
وفى كل منتدى بى شعرى أكتب أشارك
مبروك للبشير ومبرووووك لكل مشارك
صوّت وأدى صوتو صوّت وكلو مدارك
********************
يا ودالبشير شعبك بريدك بريدك جد
وكل ما أداك صوتو أداك وزاد العد
أبنى كل جديد أبنى ...الكبارى السد
وخلينا النشوف روعة ...صباح الغد
********************
ما ندمان هو أصلو القام وأداك صوتو
وما بخاف القدر.. إيمانو قدرو وموتو
ما دام الرئيس وفر طعامنا.... وقوتو
الدايرنا نحنا والمابى..... أحسن فوتو
********************
يوم فرح الجميع... بالانتصار الباهر
يوم شافو الشدر أخضر ولونو الزاهر
يوم قطع الفرع هزّ...وطلع فى منابر
يوم شاف الرئيس ..حافل بكل مناظر
********************
أبقى مع الرعية ...ولىّ البيصلح ضمّه
وأبعد للضعيف ......الديمه بالع الذمّه
وأبعد البكوس المال... يكبّر يكبّر عمّه
قرب للبدرّج ناس فاطمة وخديجة وشمّة
********************
أشرك للجميع..من حلفا لى عند راجا
وقلل من مظالم الامة تب تب محتاجه
وعبّد للطرق .. ما تخلى فيها عجاجه
لو عثرت بيسألك المولى عند الحاجه
********************
عوّض للجميع للجميع الانفصل من عملو
ورجعو للعمل العمل.. حقق مناهو وأملو
أفتح صفحة بيضا زور زور الزمان أرتحلو
وقلل من ضرائب ما يبيع ضرار لى جملو
********************
الحايز العلم أرفع جليل جليل مقدارو
والحافظ الكتاب زيدو وزيد أنصارو
ومن بلد الترك رسل.. وجيب أخبارو
يفرح بى رجوعو وشرابو من تيبارو
********************
التعليم عليهو أنفق وأصلح حالو
وقلل للرسوم ما تميل محل ما مالو
الطالب الفقير خليهو ليهو ليهو ريالو
وراعى لى دروسو خليها زى راس مالو
********************
عمّال البلد البلد زيد فى المصانع ليهم
وحسّن للاجور الديمة ناقصه .. عليهم
أبنى ليهم سكن... وشوف الامين الفيهم
خليهو الامير الامير وخليهو يلطف بيهم
********************
الصحة العلاج وفّر.. وكتر وكتر مصلك
ما إنت الزمان معروف كريم من أصلك
ما تبخل عليهم كان تزيد لى لى فصلك
من الاحتياطى... زيد وزيد فى وصلك
********************
ما نسمع بالرفع مظلوم رفع لى سلاحو
أقعد شوفو حقق وأطلق... لكل سراحو
مايمرق يجييك شايل..قديم قديم أتراحو
كتر للمشاريع .. وزيد ليهو كل أفراحو
bushra mubark- Admin
- المساهمات : 1265
تاريخ التسجيل : 20/11/2008
الموقع : المانيا بون
مواضيع مماثلة
» مبرووك فوز الرئيس قصيدة من رائد شرطة معاش بشرى مبارك إدريس بيرمنجهام
» نور الرسالة( قصيدة فى المديح من تأليف بشرى مبارك إدريس )
» موقع أنا شرطى سودانى أ،ا وقصيدة من صاحب الموقع رائد شرطة معاش بشرى مبارك إدريس
» رائد شرطة بشرى مبارك وموقع ضابط الشرطة السودانى الذى كان مناوباً
» من بيرمنجهام سلام (قصيدة ) بشرى مبارك
» نور الرسالة( قصيدة فى المديح من تأليف بشرى مبارك إدريس )
» موقع أنا شرطى سودانى أ،ا وقصيدة من صاحب الموقع رائد شرطة معاش بشرى مبارك إدريس
» رائد شرطة بشرى مبارك وموقع ضابط الشرطة السودانى الذى كان مناوباً
» من بيرمنجهام سلام (قصيدة ) بشرى مبارك
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى