القصيدة المشتركة للاندية السودانية المريخ والامل والهلال وعقبال دور الثمانية
صفحة 1 من اصل 1
القصيدة المشتركة للاندية السودانية المريخ والامل والهلال وعقبال دور الثمانية
كنت صراحة ومازلت وسوف إظل إن شاء الله من المعجبين بأداء فتية وشباب الامل عطبرة الذين قدموا العروض الرايعة وقد كتبت هذه القصيدة يوم الاحد 4 أبريل 2010م بعد الانتصارات الهلالية والمريخية والتأهل للامل بعد الهزيمة بشرف 3.2 وصراحة بدأت القصيدة بفريق الامل لانه كان الفريق الذى أحرز أكثر الاهداف حتى تأهل والان الى القصيدة :
فعلاً أمل......... أمل وبدر إكتمل ما أروعه
مريخنا حقق إنتصار.... باصات جميلة موزعه
هلالنا كان بدر التمام ..وصل الشباك بالاربعه
وابحرنا فى دنيا الكفر.... ورفعنا كل الاشرعه
الكل يشجع مافى لون اللون.... فنوننا الممتعه
من عطبرة كان الامل...... وأملنا نارو مولعه
مريخنا بالنفطى الخطير باصاتو كيف ما أسرعه
ومساوى بالرأس كم هدف وأهدافو دايماً مقنعه
أمبيلى خلخل للدفاع ....وأهدافو زاده ووسعه
نتخطى نتحدى الفرق هدفنا هدفنا أدوار أربعه
مريخنا ناوى على الترجى نقوله والكل يسمعه
مريخنا يا مريخنا صاح وكلتشى جاهز يصنعه
أهدافنا للخصم فى الشباك ما اظن دفاعو بيمنعه
وهلالنا جاهز لى مصر ثلاثة فى البنك أودعه
إسماعيلى كان أو أهلى عارفنا كيف حانصرعه
ومرمانا قدامو الدفاع لى كل شاردة حايدفعه
وماظنّو جايب لى هدف ..الخصم مهما طوّعه
وهجومنا كاسح .. وفى أرض خصومنا نولعه
والوالى والارباب جوارو كل الوصافة نودعه
الكأس منانا عند هلال أو عند مريخ ما نمضّعه
ويبقى الامل كأس الكؤوس.. الكؤوس حايرفعه
وإن شاء منصورين دوام وافراحنا ديمه نوزعه
نهديها للفايز رئيسنا ...ورئيسنا والفايزين معه
حدق العيون ليك يا وطن ولى وطنا نيكى الادمعه
حدق العيون ليك يا وطن ولى وطنا نبكى الادمعه
bushra mubark- Admin
- المساهمات : 1265
تاريخ التسجيل : 20/11/2008
الموقع : المانيا بون
مواضيع مماثلة
» للأمانة المريخ لم يقدّم شىء والهلال طار بشرف بعد أن قدّم شوط كبيرأمام الشلف الجزائرى
» مبرووك للأهلى نمور دار جعل شندى الفوز على سيمبا التنزانى والتأهل الى دور الثمانية
» الجالية السودانية تهنىء الشرطة السودانية بالعيد المئوى
» إحتفال الجمعية السودانية للتعليم والمدرسة السودانية برمنجهام بمولد المصطفى صلى الله عليه وسلم
» القصيدة التى حوت كل سور القرآن
» مبرووك للأهلى نمور دار جعل شندى الفوز على سيمبا التنزانى والتأهل الى دور الثمانية
» الجالية السودانية تهنىء الشرطة السودانية بالعيد المئوى
» إحتفال الجمعية السودانية للتعليم والمدرسة السودانية برمنجهام بمولد المصطفى صلى الله عليه وسلم
» القصيدة التى حوت كل سور القرآن
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى