مسادير للوطن ....تحرير هجليج ... الفيهو شىء يجينا جاى ومن بيرمنجهام سلام

استعرض الموضوع السابق استعرض الموضوع التالي اذهب الى الأسفل

مسادير للوطن ....تحرير هجليج ... الفيهو شىء يجينا جاى ومن بيرمنجهام سلام

مُساهمة  bushra mubark في السبت مايو 12, 2012 10:31 pm

ولنبدأ بسم الله وعلى بركة الله وبتوفيق من الله نسأل الله بهذه المسادير أن نسعى الى أن يعود الجمييع لحض الوطن بعيداً من الحروب والتى والله لم تجلب لينا غير الفرقة والخراب والعداوات وتصب فى صالح أعداء الوطن الذين ينتظرون خيرات الوطن حتى نموت عن بكره أبينا من وراء هذه الحروب المفتعله ولنبدأ :


من غير خجل ... قال هجليج جنوب حقتنا
واحتلاها عنوه ........ وجيشنا كان قدوتنا
فى إسبوع عدييل ... عدييل والدمعة ما بلتنا
مرق جيش الجنوب ..... خاسر خاسر من ثلتنا

***************************
وطبقت المسدار بأخر قطع أخدر وقلت :

حالفين جيشنا وجهادنا تتوحّد صفوفنا عدييل
ونزحف ليل نهار ليل نهار فى صبُرنا ما فى مثييل
مجلس أمنكم مجلس أمنكم ...... ما ليقينا منو دلييل
نشيل الحق نشيل الحق نهار ... والجنّة الجنّة أحلى مقييل



بشرى مبارك



--------------------------------------------------------------------------------

نواصل على بركة الله وبتوفيق من الله وهذا المسادر خاص بإستجابة المشير عمر حسن أحمد البشير الى رغبه الشعب السودانى وقواته المسلحة فى إستعاده هجليج فى أسرع مايمكن وقد كان أن تمت إستعادتها خلال إسبوع فقط فقلت :

أب رسوه المشير حرّك جيوش العزّ
فى إسبوع وحيد شوف كييف عدونا يفزّ
قاموا مشمرين موحدين ما شُفنا فيهم يلزّ
كاربين للبطون للبطون وكاربيين كمان للحزّ

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير للوطن ....تحرير هجليج ... الفيهو شىء يجينا جاى ومن بيرمنجهام سلام

مُساهمة  bushra mubark في الأحد مايو 13, 2012 2:52 pm

ونواصل على بركة الله وبعون الله ونسأل الله النصر لقواتنا المسلحة السودانية والقوات النظامية الاخرى والمجاهدين وكل الشعب السودانى أسأل الله أن يهدى كل أهل السودان الذين استجابوا للأسف لقوى البغى والعدوان من الغرب والامريكان والصهاينة حتى تزداد الحروب بين أهل السودان لكى ينعموا (أى الغرب والامريكان ) بخيرات السودان التى لاتخفيها العين والتى ظاهرها البترول وباطنها اليورانيوم وغيرة من المعادن النفيسه .
اليوم شاهدت جانب كبير من عمليات تحرير هجليج والان أتابع برنامج فى الواجهة ووزير الدفاع الفريق أول عبدالرحيم محمد حسين وأحى الاعلامى الرائع أحمد البلال الطيب . وكتبت اليوم هذا المسدار :

بى دعوة الشعب المرق عفوية
وكل سودانى فرحان وميه المية
حرروا كل ربوعه ما تدقوا النيّة
سلفاكير أقييف أرجانا فى الباكرية
جنودنا البواسل أدييكم سلام وتحيّة

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير للوطن ....تحرير هجليج ... الفيهو شىء يجينا جاى ومن بيرمنجهام سلام

مُساهمة  bushra mubark في الثلاثاء مايو 15, 2012 4:14 pm

وجدت اليوم الثلاثاء وأنا أطالع منتدى الجزيرة إسلانج موضوع للأخ حيدر أحمد عبدالله يتحدث عن بكاء جماعى لمجموعة من الاخوان شاهدوا حكمة أو عباره تقول (دمى ولا دموع أمى !!) مكتوبة على ركشة تقف على الزلط العام فبكوا جميعاً !!فرأيت بدلاً من البكاء أن أهديهم هذا المسدار :


وأضيفة الى مسادير هجليج

أبكو وأبكو وأمشو هجليج زورو زورو مّره
وشوفو كيف الناس بزكّو والروح تهون تنّشره شرّه
وكم شهيد مدفون هناك أقرو فاتحة ومن هناك ما تُرو ترّه
أبقو أحمو للحدود أبقو فى وصيّة جدود والوطن عايزلو حرّه
أبقو أحمو للحدود ابقو فى وصيّة جدود والوطن عايزلو حرّه


أرجو أن نضيف عليه بارك الله فيكم .

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير للوطن ....تحرير هجليج ... الفيهو شىء يجينا جاى ومن بيرمنجهام سلام

مُساهمة  bushra mubark في الخميس مايو 17, 2012 1:38 pm

جيشنا جيش بلادنا نقييف عليهو نشدو
وبى رآى السياسى ما نخرب عليهو نقدو
المال ليهو مبذول ما كل مره كل مره نعدو
نبذل كل جهودنا وجيشنا حدودنا حدودنا بسدو

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير للوطن ....تحرير هجليج ... الفيهو شىء يجينا جاى ومن بيرمنجهام سلام

مُساهمة  bushra mubark في الأربعاء مايو 23, 2012 3:08 pm

واليوم نتواصل فى مسادير الوطن وقد تابعت بالامس مسادير رائعة فى القناة الفضائية السودانية عن هجليج من مجموعة طيبة من أبناء هذا الوطن معهم الشاعره السودانية التى (طار إسمها عن ذاكرتى الان وسوف أعود به لكم قريباً ) والحمد لله وجدته وهى الشاعرة نضال حسن الحاج وكان الشاب الذى يلبس زى قوات الشعب المسلحة والعائد من هجليج أكثرهم قوه فى مساديره وللأمانة كلهم الاربعة كانوا قمة فى الإبداع وسوف أحاول أن أبحث عن البرنامج فى اليوتيوب وواصلت وقلت :


يرقة وشرنقة وحشره ما تمييت
يا سلفا العمييل كضبت واتحكييت
فى هجليج هناك طردوك ضحى وفزييت
عصرووك عصره جد نامن نامن مرقت الزييت
وراجيينك هناك عاصرين للزناد ونسوهو نوم البييت

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير للوطن ....تحرير هجليج ... الفيهو شىء يجينا جاى ومن بيرمنجهام سلام

مُساهمة  bushra mubark في الثلاثاء مايو 29, 2012 12:06 pm

والان أعود إليكم اليوم الثلاثاء 29 مايو بقصيدة على وزن أغنية (السودان يميين داير السمح وعديل ) والتى يتغنى بها سيف الجامعة وتقول القصيدة :

فى هجليج حكاوى ما فى ليها مثيل
دخلوها الفوارس.... دخلو بالتهليل
والراجمات هناك ضوت ضلام الليل
غير عزّ البلد ...ما كاسو أصلو بديل
ديل فرسان بوادى ومن ضفاف النيل
من شرق البلاد.... ومن شمال دانقيل
ومن غرب البلاد... دايماً بشدو الحيل
سطرو فى البطولات.. عادو لينا الميل
الميل أربعين فيهو..... الجهاد تأصيل
لو ما رجع الجهاد.... وأكلنا منو بليل
حانندم كتيير.... وندمنا يبقى يبقى دليل
وحدو للصفوف... ورصوها دون تأجيل
كل الامة حاضرة.. والخيل معاها صهيل
من حلفا القديمة ...مرصوصه فايته جفيل
ويا أهل الكرم ......ما تخلو أصلو سبيل
تلقو الخير يميين.... فى الدنيا قبلو رحيل
وفى الاخرة الجنان ...يارب جنان ومقييل
وفى هجليج حكاوى .... ما فى ليها مثيل

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير للوطن ....تحرير هجليج ... الفيهو شىء يجينا جاى ومن بيرمنجهام سلام

مُساهمة  bushra mubark في الجمعة يونيو 01, 2012 5:28 pm


كــبار الشخصيـــات



هذا أخوكم بشير أبراهيم من منتدى سودانى للأبد أبت نفسه إلا أن يرد على بهذه الكلمات نيابة عنكم أقد له الشكر والتقدير وأتمنى أن تسعفنى الحروف لكى أرد على حروفه الندية وتعبيراته السخية .




رد: مسادير للوطن ....تحرير هجليج ... الفيهو شىء يجينا جاى ومن بيرمنجهام سلام

--------------------------------------------------------------------------------


اقتباس:
المشاركة الأصلية كتبت بواسطة بشرى مبارك
ونواصل على بركة الله وبعون الله ونسأل الله النصر لقواتنا المسلحة السودانية والقوات النظامية الاخرى والمجاهدين وكل الشعب السودانى أسأل الله أن يهدى كل أهل السودان الذين استجابوا للأسف لقوى البغى والعدوان من الغرب والامريكان والصهاينة حتى تزداد الحروب بين أهل السودان لكى ينعموا (أى الغرب والامريكان ) بخيرات السودان التى لاتخفيها العين والتى ظاهرها البترول وباطنها اليورانيوم وغيرة من المعادن النفيسه .
اليوم شاهدت جانب كبير من عمليات تحرير هجليج والان أتابع برنامج فى الواجهة ووزير الدفاع الفريق أول عبدالرحيم محمد حسين وأحى الاعلامى الرائع أحمد البلال الطيب . وكتبت اليوم هذا المسدار :

بى دعوة الشعب المرق عفوية
وكل سودانى فرحان وميه المية
حرروا كل ربوعه ما تدقوا النيّة
سلفاكير أقييف أرجانا فى الباكرية
جنودنا البواسل أدييكم سلام وتحيّة



الأخ الغالي الشـــــــاعر المبـدع ..

الأســــــــــــــــــــتاذ الــرائــــــــــــع بـشـــــــــــــــــــــــــري مبــــــــــارك

صاحب الكلمة الســيف المدفع الطلقة ..

التي تلامس قلب كل سوداني صادق في حبه للوطن وأهله الشرفاء


أحي فيك روح الأبـداع
وروعة الحروف المـدوزنة بسلاف الأعماق
وصـدق الوطنية ..
أحيي حـروفك الوضــيئة والنميقـة الرائعة ..

أقف إجلالا لك وللوطن وشعبه واهله عنــدها وعنـد كل محفل يكون الصورة والإطار والمضمون والمعـــــني العميق
للكلمــة العــزيزة جــــــــــــــــــدا .. أنا ســوداني وســــــــوداني للأبـــــــــــــد ..

أحييك من كل أعماقي ايها المبدع الرائع الذي يكتبنا جميعا نحن المترفون والغارقون في شجن الوطن الأم الرحم الواحد





وأهـــــــــديك وأهــدي كل الأخـوة المعاك هناك بعيـد نثيني هـذا العشق المقيم بدواخلي




وطنك هـو البعـرفـك هـو البشـبهـك


وطنك حببيك مخلصك مموسق شـجونك وموعـدك
ووطنك شرافتك ومولدك، ومرحك ســيوفك وجبرتك
هو الخلفك هو العلمك، (قـالب) ملامحك وفطـرتك
هو البشبهك معـدن وقارك وهيبتك هو البعرفك
وآه يا وطن الجمال آه من حسارك وحرقة حشاك
سببك ضناك الخان عهـودك وأقسم يدمر وحـدتك
وآه يا ريتني لوبقـدر... أغني وأوصفك
وأجــدل ســماحتك معنى وأعـزفك
واهز وأعرض فوق كل من ســجـد قبل ترابك ومجدك
وأبرك أمامك طـايع ياشــيخ الطريقة أبوس جبينك وأقبلك
وأسلك خطاويك الوضئة وألبس تـوب عـفافـك وحكمـتك
ووطـنك عـبايتك ومسـكنك ووطـنك قرايتك ومعـبدك
خـيرو سعد فالك، جـريد نخلو في يوم صفاحك ودخلـتك
نيلك عطـاءك وحـظوتك وأهلك عزايـمك ضراك وجـبرتك
وحسنك جسارة موقفك، زينك شـريفك أكرم ولادك شرفك
وطن الجدود ..... وطن الخلود ...
مين يشبهك مين يشـــــبهك ....
مين بشــــبهك
وآه يا ولد وطنك ماثِل تراثك شموخك وهيبتك
ووطنك سماحك مسيدك عقيدتك تبروقتك وخلوتك
ووطنك هو البشبهك
ويا هـــو البعرفك
ووطنك تراثك حقيبتك كتاب جـدودك مرجعك
ووطنك يا البعيــد، حبيب قسـاك ومرتعك
وطن الخلود وطن العزايم آهـ وآهــ
مين في الثبات على المكاره والمكارم يشـبـهك ..
ما أجملك ما أروعك مين في غلاوتك بـشـبـهـك
***
مين في الدنيا يقــدر يشابى ليكا أو يلحقك
وانته فوق .. فوق .. قمم بهاك وجبرتك
مين بيقدر يعبر بيادرك ويمِرغ بالسواد .. حُلل السلام
وأجمل سوار في رسوتك
ومين بيقدر يهد عشقاً مقيم جوانا حالف يصون سلامك ووحدتك
أو يبلغ ِشمُوخك ونخوة بنوك وهيبتك
مين يا وطن المعزة والسلام
مين يشبهك أو يُماثل نضارة جروفك وخضرتك
أو يُماثل عِظام رجالك ومهيرات نساءك زينة حياضك وحلتك
ومين يقدر يقارب سر حلاوتك وروعتك
ومين يبلغ قمم صبرك وفاكا وحنكتك
وسماح نيلك منبع حضارتك ومشربك
يا سمح خايل في السماحة والسماح دروبك وسكتك
والله يا أرض الجدود كتبتوُ نحتو عشقك في الخواطر
وسافرته لي كل الحواضر والبنادر
أبـداً وحاتـِك ما لقيتو البشبهكِ
ومين يقدر يا عقيد معفر بي مسك تمازجكِ ومِنعـتك
يتشابى ليك .. أو يلحقك
ومين غير الميقن بي أمانك ووحدتك
يوظف لهب مشاعرُ مُزن حنان
وأسياف نِضال ويمهر بي دِماهو .. صكَّ سلامِِ ووُحدتِك ..
ياسـلام لو النفوس إطايبت
ما كان عقورك يتطاول يحالِف عدوكا ويجرحِك
أبداً وحات شامة هواك .. ساسقته فوق كل الدروب ...
ومالقيتو البشبهك
ومالقيتو البشبهك
ومالقيتو البشبهك
ومالقيتو البشبهك
ومالقيتو البشبهك






الحبوب / من ديواني الـذي بعنوان: وشَـهَـقّ جُـوايا صـوت

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير للوطن ....تحرير هجليج ... الفيهو شىء يجينا جاى ومن بيرمنجهام سلام

مُساهمة  bushra mubark في الإثنين يونيو 04, 2012 4:10 pm

نواصل على بركة الله واليوم لابد أن تكون مساديرنا لشريحة هامة من شرائح المجتمع السودانى هم العاملين بوزارة الطاقة والتعدين وعلى رأسهم الوزير الهميم الدكتور عوض أحمد الجاز والذى وقف مع المهندسين وفنى اللحام والكهرباء وكل التيم الذى أعاد تشغيل الحقول بهجليج فى فترة عشر أيام فالتحية لهم والتحية لكل من شارك فى تحرير هجليج وأعاد ضخ البترول والتحية للأطباء الذين صمدوا مع المرضى وتم أسرهم نسأل الله فك أسرهم والرحمة لمن أستشهد منهم ،وقد أضافوا الى ملاحم القوات المسلحة السودانية والقوات النظامية الاخرى من الامن الوطنى والشرطة الموحدة والمجاهدين والدفاع الشعبى أضافوا بطولات جديدة تضاف الى بطولات هذا الشعب والذى لاتنتهى بطولاته إن شاء الله وأقول :


مهندسنا الهميم فى هجليج مرابط بدّع
وقدامو الوزير أهديهو شعرى مربّع
سطرو كم ملاحم وبترولنا خطو موزّع
فى إسبوعين أقل فى الجيلى فرّغ أودع

********************

عيدو لينا الاندلس والجهاد هو زاد الامّة
ومن دون الجهاد الجهاد والله ما بنتلمّة
اللابس بنطلون واللابس سيدرى وبرضو لابس العمّة
مع اللوح مع اللوح والشرافة أصلو أصلو ما بنتذمّة
نحفظ كل يوم نحفظ كل يوم من البقرة لى عند عند عمّ

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير للوطن ....تحرير هجليج ... الفيهو شىء يجينا جاى ومن بيرمنجهام سلام

مُساهمة  bushra mubark في الخميس يونيو 07, 2012 1:44 am


والان أعود إليكم اليوم الثلاثاء 29 مايو بقصيدة على وزن أغنية ( طبل العز ضرب للسرة قومى خلاص السودان يميين داير السمح وعديل ) والتى يتغنى بها سيف الجامعة وتقول القصيدة :

فى هجليج حكاوى ما فى ليها مثيل
دخلوها الفوارس.... دخلو بالتهليل
والراجمات هناك ضوت ضلام الليل
غير عزّ البلد ...ما كاسو أصلو بديل
ديل فرسان بوادى ومن ضفاف النيل
من شرق البلاد.... ومن شمال دانقيل
ومن غرب البلاد... دايماً بشدو الحيل
سطرو فى البطولات.. عادو لينا الميل
الميل أربعين فيهو..... الجهاد تأصيل
لو ما رجع الجهاد.... وأكلنا منو بليل
حانندم كتيير.... وندمنا يبقى يبقى دليل
وحدو للصفوف... ورصوها دون تأجيل
كل الامة حاضرة.. والخيل معاها صهيل
من حلفا القديمة ...مرصوصه فايته جفيل
ويا أهل الكرم ......ما تخلو أصلو سبيل
تلقو الخير يميين.... فى الدنيا قبلو رحيل
وفى الاخرة الجنان ...يارب جنان ومقييل
وفى هجليج حكاوى .... ما فى ليها مثيل

وأقدّم لكم قصيدة الحردلو طيل العز ضرب:



الله اكبر الله اكبر الله اكبر فوق كيد المعتدى والله اكبر يا هيجليج فاسلمى وانعمى - والله اكبر خسئت وخرست فلول المعتدى (( جاء الحق وزهق الباطل ان الباطل كان زهوقا )) صدق الله العظيم (( ان ينصركم الله فلا غالب لكم )) صدق الله العظيم


طبـل العـز ضـــــــــرب
كلمات/ الدبلوماسى سيد أحمد الحاردلو
تغنى بهــا / المبدع سيف الجامعه
=
طبل العــز ضرب يالســرة قومى خلاص
والجنيات هَدِيك فى الساحة ختو الساس
والبنـــوت زغــاريـــدن تجيــب الطــــاش
والخـيـل عَركسِـن والدنـيا بـوق ونحـاس
والجنيات هَديك فى الساحة ختو الساس
الـســودان خــلاص يالسُــرة قـام دواس
شـــدَّ سواعـدوا تانــى وشيـد المِتـراس
=
طـبل العِز ضـرب والخيل تسـابق الخيل
مـن آخـــر الجــنوب لى عـطــبرة وتوتـيـل
ياشُدر الهشـاب قـوم نمشى بـحر النـيل
ويا لوز القطــن قـوم تانـى فَتحْ وشِيـل
وأرقص يانخـيل فـوق السـواقى ومِـيل
السودان خلاص دايـر السـمح وعـديل
كسـر قـيدُه تانــى وقـــام جميل بلحــيل
=
طبـل العــز ضـرب حَىَّ عليـك ياكفـاح
والآذان نـــده حــىَّ علـيــك ياصــباح
شايـل النـور ومالى بالاغـانى الساح
والظالم وَقـع يالسُــرة داوِى جِــراح
والشـــارع مرق تانى بِســوى الـتــَاحْ
خلى الناس تنوم بعد الشقى وترتـاح

والان الى أغنية طبل العز ضرب والمبدع سيف الجامعة:

--------------------------------------------------------------------------------

http://www.youtube.com/watch?v=22tK_buy5EI



أغنية طبل العز ضرب والفنان المبدع سيف الجامعة

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى