ممشى اللهفة ؟؟ الفاتح الدخيرى
2 مشترك
صفحة 1 من اصل 1
ممشى اللهفة ؟؟ الفاتح الدخيرى
ممشى اللهفة
الفاتح الدخيري
* * *
قبال تجي....
يبقى ممشى اللهفة ليك...
سفر الحروف فوق معاني
القرايه....
ودفقة حبر من الواح القرايه
وشمعة شوق حضنت ليل
شايل من طول سهاده
سر الحكاية
حكاية الزول النقش انفاسك
في الدواخل...؟
واتحدى بيك أحلام المرايا
*****
قبال تجي كان صباح
الدنيا
غرقان في عتمته
وكان فجر الشوق
معطون في خطاوي البداية
لاسكة ليه تتمشي...
ولا قطارات تقطع
نفس مشيته
وأنا في عيون الناس شتلتك
فواصل للعناوين وخريف للوصايا
ما أصلو قبل الخلق
يقرو الكتابة
كنتي جواي
مدسية .. ومتغطية
بلهفة ريدي القبيل
ولهيب هوايا...
كنت متوسده شجوني وجنوني
وكنت بس ضرايه...
البيك بسند قفايه
يا بنية عليك الله بس كفاية
وخلي شوفتك تبقى المطر..
تبقى الغمام...
تبقى السحاب
تبقى البحر
وتبقى آية...
ما اصلي مجنون وعلاجي
في المحاية[center]
الفاتح الدخيرى- المساهمات : 4
تاريخ التسجيل : 11/09/2011
رد: ممشى اللهفة ؟؟ الفاتح الدخيرى
شكراً لك أخى الفاتح الدخيرى على التواجد الرائع فى منتدى الجالية السودانية المانيا الاتحادية بون وأحييك من بيرمنجهام وأنا كنت فى السابق السكرتير الثقافى والاعلامى لهذه الجالية وما زلت متواصلاً وكأنى بينهم .
bushra mubark- Admin
- المساهمات : 1265
تاريخ التسجيل : 20/11/2008
الموقع : المانيا بون
مواضيع مماثلة
» تعالى احتلى الدواخل ؟؟ الفاتح الدخيرى
» ياسيدة معتقة بعشقى ؟ الفاتح الدخيرى
» اريج المسافات العطرة ؟؟ الفاتح الدخيرى
» الفاتح جبرا وزواج سعيد
» الفاتح جبرا والقصة جايطة !!!!!
» ياسيدة معتقة بعشقى ؟ الفاتح الدخيرى
» اريج المسافات العطرة ؟؟ الفاتح الدخيرى
» الفاتح جبرا وزواج سعيد
» الفاتح جبرا والقصة جايطة !!!!!
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى