قصيدة بعنوان الجيش جيش وطن والوطن حبييب

استعرض الموضوع السابق استعرض الموضوع التالي اذهب الى الأسفل

قصيدة بعنوان الجيش جيش وطن والوطن حبييب

مُساهمة  bushra mubark في الخميس يونيو 16, 2011 12:03 am

قصيدة من بشرى مبارك (الجيش جيش وطن والوطن حبييب)

--------------------------------------------------------------------------------

هذه القصيدة أهديها للاخ اللواء أركانحرب جعفر بدرى الامين أخر قائد للقوات التى حررت توريت عندما قررت القيادة السياسية قطع المفاوضات مع الحركة الشعبية فى العام 2003م على ما أعتقد ، أتمنى أن يعود الاخ سعاده اللواء أركانحرب معاش جعفر بدرى الامين إبن السروراب لكى يصحح معلوماتى ويعطينا المزيد وأقول له لعلك على الصحة والعافية ومن بون رغم البون سلام أخوك رائد شرطة معاش بشرى مبارك إدريس والان الى القصيدة :

أدييكم كلام كلام وعلو لى مقاماتو
جيش العز نتر بانن بانن هناك راياتو
أولادنا الاسود رافعين كمان هاماتو
جيشنا أصيل مأصّل ما كترو تب شُماتو
فى كادقلى راكز وامّن جميع جبهاتو
بحسم للمعارك فى أبيى ركز وحداتو
فى الازرق هناك عارف يدير يدير أزماتو
يصفى كل جيوش خلوها لى مهماتو
ما نسمع عميل لى دوله شان جلاتو
نقبل بالدنية وجيشنا جيشنا فى سكناتو!!
******************************
كم حسم المعارك صيف العبور والميل
وفى توريت هناك عسكر جحافلو بليل
صد للهجوم الهجوم ودحر التمرد سيل
وأعلنو إنسحاب ما لعبو أصلو شليل
مطروهم راجمات زى زى التقول قنديل
وزحفو عليهم أرضاً وشافو كم كم بهديل
لو قلتو السلام ما بنقبل ما بنقبل البُديل
ولو أعلنتو هدنه تلقونا تلقونا فى كازقيل
عمرو لى جنوبكم وأبنو الجنوب ضانقيل
حاتلقونا ندعم وخيراتنا ليكم ليكم كيل
حاتلقونا ندعم وخيراتنا ليكم ليكم كيل


والله أكبر الله أكبر والعزة لجيش الوطن السودانى الحبيب الغالى للنفوس .

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى