قصيدة رثاء الى روح جدى محمد ودبابكر ود فاطمة العجمية بت قدورة

استعرض الموضوع السابق استعرض الموضوع التالي اذهب الى الأسفل

قصيدة رثاء الى روح جدى محمد ودبابكر ود فاطمة العجمية بت قدورة

مُساهمة  bushra mubark في الأحد يناير 02, 2011 12:33 am


جدى محمد بابكر محمد إدريس توفى فى الاربعينات وهو جدى والد والدتى الجودلية محمد بابكر وأمها الحاجة مدينه بت أبراهيم ود بلتنا عليها وعلى جميع موتانا الرحمة والمغفرة . عندما توفى كانت والدتى صغيره عمرها فى العاشره تقريباً ولا أعرف عنه إلا ما دونته أخيراً من الوالدة أنه كان يعمل جندياً بالجيش الانجليزى ومترجماً وقد كان جاداً فى عمله ومخلصاً توفى وعمرة لم يتجاوز الثلاثين عاماً حسب رواية الوالدة وتوفى فى مدنى حيث كان يعمل هناك .
حتى أجدد ذكراه ونترحم عليه كتبت هذا الرثاء وما عارف أقراهو كيف للوالده إذا كنت أنا لوحدى أبكى فيه ؟؟ أسأل الله أن يعننى فى ذلك .

جدى محمد ودبابكر الرحمة الرحمة تتغشاك
وزمنك ما حضرتو لكنى جيت جيت بى وراك
سبطك وأمّى بتّك ودايماً تقول تجيب تطراك
وندعو ليك دوام تدعو ليك دوام ودعانا يتحراك
وأم كلتوم معانا وأولاده والكل هو فى ذكراك
***********************
فى شبابك فى شبابك كت هميم والانجليز عرفوك
فى الجندية فى الجندية تخدم ما قالو ليك عوك عوك
واجبك فيهو قايم قايم يوم جانا جانا الخبر ونعوك
فى مدنى الجزيرة الجزيرة وأهللك هناك عزووك
ونترحّم عليك نترحم عليك وما شفنا من بزووك
************************
قعدت معاها أمى قعدت ..... ودونّت لى تاريخك
وكتبت الشعر ذكرى ذكرى...قارح ومافى قرييحك
أسد النقعة أسد النقعة ... كت فارساً تسابق رييحك
مافى ما فى من عدوووك والشفنا كلو كلو صلييحك
يا عز الشباب ويا فخر الرجال سبطك بكوس لى مدييحك

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى