salam........

الاخ بشري كيف احوالك واحوال الاسري الكريمة.....
عزيزي بشري دعني اسبح في مخيلتك عسي اجد عزرا لغيابي....
عزيزي هي اوروبا ومشاكلها التي لا تنتهي.قمة في العراك اليومي من اجل الحقوق.
انا حديث العهد في هذه القارة العجوز. اعيش في اقصي الشمال الفرنسي مع الحدود البلجيكية
فبعض الظروف حرمتني من المشاركة...فتقبل عزري واحترامي

أخي خالد، أولاً حمدلله بالسلامة ان شا الله..وكما قال لك سعادة اللواء ، القران الكريم وياسين وتاني ماف عوجة تب ..



بس وقفة بسيطة كدة..صحيح إنو الغربة قاسية وإنو الجري فيها صعب شديد وإسترداد الحقوق فيها ما سهل، لكن مافيه ظلم الحمدلله..

بس احنا كمان مرات بنظلم الغربة حبة..لأن بنلقي اللوم على عاتقها وننسى إنو احنا الجينا عشان نمتص أجمل ما فيها ..



فعلاً، مشتاقين للاهل والحباب وتراب الوطن..لكن كمان كلو حاجة قصادة شي تاني..لم ترجع للاهل بطموح عالي أو علم أو حتى إنجاز عمل ليهم نافع..بتكون الفرحة مضاعفة ..وطبعاً طلعتنا من البلد لم تكن إرادة عفوية ، ولكن لتحقيق أهداف وذات معينة في أوروبا القبة دي..



والجدير بالذكر سبحان الله الإيمان فيها بزيد جداً، نظراً لكثرة الابتلاء والمصاعب ، ودة شي محمود ومنشود..



عشان كدة كل ما تجري وكل ما تتعب، أفتح لنفسك باب أمل جديد ، حتى لو مقفول عليك، بتلقاها قدام ربنا كلها مفتوحة ..وده كلام تجربة .



وعموماً الدنيا دي كلها على بعض كده مافيها أي راحة ..وقد قالوا:



قالو الحياة في السعادة والسكون وفي الخمول وفي الخمود

في لقمة تأتي إليك بغير ما جهد جهيد

في أن تقول كما يقال فلا إعتراض ولا ردود

في أن تعيش كما يراد ولا تعيش كما تريد

قلت الحياة هي التحرك لا السكون ولا الهمود

وهي التفاعل والتطور لا التحجر والجمود

هي أن تحس بأن كأس الذل من ماءٍ صديد

هي أن تعيش خليفة في الأرض شأنك أن تسود

هذي الحياة وشأنها من عهد آدم والجدود

فأذا ركنت إلى السكون فلذ بسكان اللحود





وانشا الله ربنا يرد الغربة بركة دعاء الامهات وحنان الأخوات .



كل الود والتحايا



بت النيل .