منتدى ملتقى أبناء السودان بأروبا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

هلالنا صعب كاساتو دهب (والخطاب لجماهير ولاعبى الاسماعيلى )

اذهب الى الأسفل

هلالنا صعب كاساتو دهب (والخطاب لجماهير ولاعبى الاسماعيلى ) Empty هلالنا صعب كاساتو دهب (والخطاب لجماهير ولاعبى الاسماعيلى )

مُساهمة  bushra mubark الخميس أبريل 22, 2010 1:59 pm


أحمد عبدالحفيظ سيب (الجرى والطيران ) وزيد السطور شوية شنو عايزنك تنافس لينا (بتاع كبد الحقيقة الاسمو مزمل أبوالقاسم) وكدى أسع أرجع نفذ طلبى وأدينى سطرين تلاته عن بارى ديمبا والله بحرد المنتدى والكورة بتاع الهلال الجاية !!!!!!!وأخليكم تتلفتو زى عمك عبدالمحسن فى بكا أولاد الاحمر وقول ليهو قال ليك بشرى إنت وصالح أكان الترجى ده مرقكم شوفو ليكم بلد وبرضو نحنا نشوف لينا بلد أكان الاسماعيلى مرقنا وأكان مرقنا الاتنين البلد شايلانا والحمد الله وسير سير للبشير والبشير ذاتو الايام دى بيسأل عن بارى ديمبا .
تخريمة:
قالو عندما كان الهلال مستعداً للمباراة النهائية مع الوداد المغربىالعام 1992م فى إستاد الهلال وكان رئيس النادى الفريق عبدالرحمن سرالختم وكان وقتها معتمد اللاجئيين جاء فى مهمة رسمية للرئيس وكان نائبة مريخابى برضو مشهور نسيت إسمه فقام الرئيس من مكتبة ونادى عبدالرحمن سرالختم وقالوا ليهو كدى قبال ما تحكى لى عن مشاكل اللاجئيين ورينى معسكر الهلال ماشى كيف وأنفرد به فى مكان على مرآى وليس على مسمع من الحضور وبعد خروجهم أحتج قطب المريخ بشده وقال كيف يقدم الرئيس أخبار الهلال على الاخبار والعمل الرسمى !!!ولكن ياهو حب الهلال بسوى فى الناس كده وعلى مستوى الرئيس هل تتذكروا أن الرئيس الاسبق المرحوم جعفر نميرى ألغى الرياضة والاندية بسبب كؤوس الدهب التى حصدها الهلال مرتين بهزيمته له وهتاف الجماهير هلالنا صعب كاستو دهب والكأس الذهبى بالرأس الذهبى لان الاهداف دايماً من شبالات الدحيش وعلى قاقرين والتى كانت لاتخطى الشباك تقول لى كلتشى وسادومبا !!وحليل أيام ناس قاقرين وكمال عبدالوهاب البراوغ نصف الميدان ويديك باص فى خط سته ولا باصات هيثم مصطفى الان !!وونعود للموضوع فى اللحظة التى كان فيها المريخ متقدماً حتى الدقيقة 38 من الشوط الثانى يتقدم على قاقرين ويرواغ من الوسط حتى دخل ال18 فما كان من عمر أحمد حسين أن وكعبله داخل الصندوق فلم يتردد الحكم من إعلان ضربه جزاء صحيحة تصدى لها عزالدين الدحيش وقبل أن ينفذها سلم على قاقرين فى راسو ورفعو من الارض ومسك الكرة ونضفة بفنلتو وأحرز منها الهدف وتم إعاده المباراه والرئيس نميرى يمص فى الترمس من الزعل لانو مريخابى وعندما تمت إعاده المباراة فاز الهلال 2.صفر وأحداث هوارى باك المريخ الذى حاول الاعتداء على على قاقرين فحصبت الجماهير الملعب بالحجارة وتوقفت المباراه 22 دقيقة ويقال أن الجماهير أستغلت الحدث وبدأت تهتف يسقط يسقط جعفر نميرى وبعد أن سلم نميرى الكأس الذهبية الثانية للكابتن على قاقرين (وكيل وزارة الخارجية السودانية الحالى لمن لايعرفون وأسمة حيدر حاج الصديق وحاصل على الدكتوارة فى القانون الدولى ) بعد إسبوع قام بحل الاندية وإعلان ما يسمى بالرياضة الجماهيرية والتى غتست حجر كرة القدم السودانية الى يومنا هذا . أتمنى أن ينبرى الاخ عبده قابل صاحب الارشيف أو يتكرم أحدكم (دحدوح أو أحمد أوفرفور أومصعب بالدخول على القوقل وكتابة مباريات هلال مريخ وكاسات الدهب فى السبعينات ، ويمكننى عمل ذلك ولكن رأيت أن أتركة لكم حتى تستمتعوا وتمتعوننا معكم لكى نوزع هذا البوست على المنتديات بعد أن نهزم الاسماعيلى ةنتأهل الى دور الثمانية إن شاء الله أنا فى إنتظاركم وإلا بعد إسبوعين قمت بالعمل لوحدى يلا ياشباب ويا أحمد عبدالحفيظ أنا عايز تعليق ما أقل من ده والتعليقات (الهينة والسطور المعدودة ما بطاله لكن مش كويسة زى مابقول التعلمجية فى البيادة وأعمال الميدان والفك والتركيب ) فى الختام صفا وأسترح .

bushra mubark
Admin

المساهمات : 1265
تاريخ التسجيل : 20/11/2008
الموقع : المانيا بون

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى