مسادير رئاسية (خاصة بمرشحى رئاسة الجمهورية )والوضع الراهن فى السودان

استعرض الموضوع السابق استعرض الموضوع التالي اذهب الى الأسفل

مسادير رئاسية (خاصة بمرشحى رئاسة الجمهورية )والوضع الراهن فى السودان

مُساهمة  bushra mubark في الأربعاء مارس 31, 2010 1:08 am

أنا شايف الوطنى كاسح وموجو دافر برّه
قدامو البشير المابعرف المابعرف الترّه
ما خلا الجنوب والناس جموع جموع منّشره
حتى يمين حسان حسان الليلة مرقن برّه

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير رئاسية (خاصة بمرشحى رئاسة الجمهورية )والوضع الراهن فى السودان

مُساهمة  bushra mubark في الخميس أبريل 01, 2010 1:08 am

--------------------------------------------------------------------------------

ورد فى الابناء أن أحزاب ما يعرف بتحالف جوبا أجتمعت وقررت تأجيل الانتخابات وقيام حكومية قومية وقد قال الصادق المهدى أن لدية ثلاثة أسماء (أسماء فى حياتنا من الرؤوساء ) وأنا قلت له وللجارين وراء التأجيل :

التأجيل ما بينفع وعرمان كتر تصريحو
والفايز انعرف زار الشمال وضريحو
أسد النقعة قارح وفايتو فايتو قريحو
مسابق للجميع وفى السرعة فايت ريحو

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير رئاسية (خاصة بمرشحى رئاسة الجمهورية )والوضع الراهن فى السودان

مُساهمة  bushra mubark في الجمعة أبريل 02, 2010 12:00 am

يبدو أن الغرب يتابع الانتخابات السودانية عن كثب فقد أهتمت الصحف البريطانية ورشحت البشير وحزبه بالفوز بالانتخابات والصادق المهدى حاول إستقطاب الانصار ولكن يبدو أن رسالته قد جاءت متأخرة جداً فقلت :

الغرب أنبهر من ودالبشير وانصارو
والاعلام كضم وفيهو الكتير اتضارو
ود المهدى فتّش لى قديم قديم أنصارو
وفى دارفور هناك كملت جميع أفكارو

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير رئاسية (خاصة بمرشحى رئاسة الجمهورية )والوضع الراهن فى السودان

مُساهمة  bushra mubark في الجمعة أبريل 02, 2010 12:15 am

عندما تم اللقاء بمبارك الفاضل فى قناة النيل الازرق كان محور حديث مبارك الفاضل وصاحب الحوار بابكر حنين عن مصنع الشفاء ومعلومات مصنع الشفاء وأن الادارة الامريكية كان يتمنى لو أنها ضربت مصانع الاسلحة الكيماوية فى الباقير (وهى فى الاصل مصنع جياد والفاضل يعلم ذلك ولكن من باب دمّر عدووووك ) فقلت :

ود الفاضل رصيدو مصنع شفاهو الضربو
وندمان كيف جياد مرقت ....وناسه انكربو
رقدوا للحديد الحديد ما اتراخو يوم أو هربو
وكمان صافات معاهم أسراب تحاكى السربو

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير رئاسية (خاصة بمرشحى رئاسة الجمهورية )والوضع الراهن فى السودان

مُساهمة  bushra mubark في الجمعة أبريل 02, 2010 12:44 am

الدكتور كامل إدريس رئيس منظمة الملكية الفكرية السابق بالامم المتحدة جنييف شخصية أكاديمية مرتب الخطاب والافكار والهندام ولكن ليس له رصيد يتكىء عليه خاصه أنه نزل كمستقل فقلت عليه :

ود إدريس مرتب أفكارو صاحب همّة
والافكار براها براها . ..ما بتوصّل قمة
عايز ليك رصيد رصيد... وعايز تلف العمة
مع الناس الغبس الناس الغبش تعرض وما تنّجمّة

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير رئاسية (خاصة بمرشحى رئاسة الجمهورية )والوضع الراهن فى السودان

مُساهمة  bushra mubark في الجمعة أبريل 02, 2010 8:37 am

--------------------------------------------------------------------------------

الاستاذ ياسر عرمان كثير التصريحات المستفزة للمشاعر والتى تصب كلها للجنوب كأنه الوصى الوحيد على جنوب السودان وأصبح (بعزّ النسب بصورة لا مثيل لها ) وبما أنه يريد أن يحكم السودان البلد المسلم فلا بد لنا أن نذكرة بحكاية البسمله فقلت له :

عرمان ما قصّر معانا وما قاله بسم الله
وكيف عايز يردد .......(ساقيّة دفُع الله)
من دون الآله الآله ........ كيف حاتصير بالله
آكيد حا تفوز ضمان حاتفوز ضمان بس قوله بسم الله

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير رئاسية (خاصة بمرشحى رئاسة الجمهورية )والوضع الراهن فى السودان

مُساهمة  bushra mubark في الجمعة أبريل 02, 2010 9:08 am

صباح الجمعة ظهر الخبر وآل الامام إنسحبو
ود الفاضل ما تحرّك.... وما شفنا فركة كعبو
والفوز ماهو ساهل شوف ناس الدهب كيف نقبو
وعشان يلقو التقيله شوف كيف سعو ومشو وإنكربو

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير رئاسية (خاصة بمرشحى رئاسة الجمهورية )والوضع الراهن فى السودان

مُساهمة  bushra mubark في الإثنين أبريل 12, 2010 9:01 am


نواصل ما أنقطع خلال غيابى لمدة إسبوع والحمد لله فقد بدأت الانتخابات بالامس واليوم الاول مرّ بسلام حسب التقارير وكتبت وقلت :
مرشح وإنسحب ما عندو حق يتكلم
يوم مسك الحكم ما جاب دواء وما علّم
يشهد ليهو شدرو... شايل الرخص ومبلّم
خلى الجيش حفايا عرايا... وقائد السلاح إتألم
عدمان للسلاح وعدمان للملاح وسلم مدن كم سلّم

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير رئاسية (خاصة بمرشحى رئاسة الجمهورية )والوضع الراهن فى السودان

مُساهمة  bushra mubark في الإثنين أبريل 12, 2010 9:20 am

بعد إنسحاب ياسر عرمان والذى ملء شوارع الخرطوم بصور ملصقاته التى كانت يمكن أن تبنى مركز صحى فى دارفور أو الجنوب أو الشرق (مناطق التهميش التى ما فتأ يذكرها !!!) وبعد كل هذه الضجة والقجة أنسحب وخرج من الانتخابات مثل الشعرة من العجين فقلت فيه :

عرمان كيف كضم واعلن نهاية عملو
وما خاض الوطيس ولا التنافس شملو
سوا حكايتو داك الباع زمان لى جملو
وخابت كل ظنونو وخاب رجاءو واملو

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير رئاسية (خاصة بمرشحى رئاسة الجمهورية )والوضع الراهن فى السودان

مُساهمة  bushra mubark في الإثنين أبريل 12, 2010 9:46 am

بحمد الله وعلى بركة الله وبتوفيق الله بدأت يوم الاحد 11 أبريل الانتخابات فى السودان بعد 24 عام من قيام أخر إنتخابات فى العام 1986م وكان اليوم الاول قد مرّ بسلام والحمد لله فكتبت وقلت :

الصندوق نقر ودالبشير ودالبشير إتقدّم
وما ظن يلقى المنافس الانسحب وأتعسّم
ما حهّز رجالو فوق القديم القديم إتعشّم
والراجى القديم القديم أصبح جديدو مقسّم

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير رئاسية (خاصة بمرشحى رئاسة الجمهورية )والوضع الراهن فى السودان

مُساهمة  bushra mubark في الأربعاء أبريل 14, 2010 5:47 pm


ورد فى الاخبار ومنذ بداية الانتخابات أن هناك ربكة كبيرة صاحبت البداية تتمثل فى أخطاء مطبعية وإدارية أوراق دوائر أختلطت بدوائر أخرى رموز مرشحين تغيرت (سادت ثم بادت ) لورى تحول الى جرس والحمد لله أن الشجرة ثابته وفرعها أستظل به المرشحين ولكن ورد أن الاخطاء كلها صبت لصالح المؤتمر الوطنى ولان القلم والمسادير عندى أمانه أترجم بها الواقع فلا بد أن أعطى المفوضية ما تسحتقة رضت أم أبت فقلت بعنوان اللورى يشيل منو :

مالو اللورى أنقلب وأصبح جرس رنان
ومالو أتغير سريع ...وسيدو صبح ندمان
التحقيق ضرورى والتعويض كمان وكمان
للنائب الصرف من جيبو من جيبو وصبح عدمان

وأهدى هذا المسدار الى نائب الدائرة 3 نيالا الغربية المرشح المستقل الاخ عبدالمنعم المصرى كى يقدمه أمام لجنه التحقيق كمستند إتهام وله منى الشكر على صرفه وصبرة وأتمنى أن تتبرع له الدوله بعدد المراكز بالسودان بأجراس ولورى هينو زد واى جديد يشحنو أجراس ويوزعها على كل مدارس السودان وليبدأ بصحيفة أجراس الحرية



bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مسادير رئاسية (خاصة بمرشحى رئاسة الجمهورية )والوضع الراهن فى السودان

مُساهمة  bushra mubark في الأربعاء أبريل 14, 2010 9:20 pm


مازلنا نواصل مع أخطاء المفوضية والتى قلل من شأنها الرئيس الاسبق جيمى كارتر يا ناس كارتر دى شايت لصالح قيام الانتخابات والله لو نزل فى دائرة من دوائر الجنوب الرئيس الامريكى أوباما يقول صاح ما إصلو من جنوب السودان والقانون الامريكى يسمح بإزدواجية الرئاسة خاصة إذا كانت الدوله ليها من الديمقراطية 20 عام وما فوق وإذا كان الرئيس الحاكم جاء بإنقلاب عسكرى !!!
ولذلك قلت وبعنوان عذبتوتنا يا مفوضيّة (على وزن خلف الله ما عذبتنا ) مع تحياتى للاخ خيرالله جمال حسن سعيد وتقضى الامانه الاعلامية المواصله والتريقة على الاخطاء إذا كانت هناك ديمقراطية حقيقية وليست إتجاه واحد وهذا هو الذى سوف يودى البلد فى داهية :

الاخطاء كتيرة يا مفوضيّة حرام
وليه ما اتأكدتى فعلاً قبل الرمى قدام
شوهتى الحكاية وأطلقتى الدعاية القالو فيها حرام
وناس المؤتمر ناس الوطنى أصلو أصلو ما ماحمضو الافلام

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى