بيرمنجهام تحتفل لصالح جمع تبرعات لمركز اطفال المايقوما
صفحة 1 من اصل 1
بيرمنجهام تحتفل لصالح جمع تبرعات لمركز اطفال المايقوما
أتصل على ظهر اليوم الاخ عبدالكريم سليمان عبدالكريم(كرومة ) ليبلغنى أنه ومجموعة من الشباب والاخوان السودانيين(المركز السودانى للتطوير بالتعاون مع كل المراكز فى بريطانيا ) بصدد قيام إحتفال نجمع من خلاله تبرعات للاطفال بمركز رعاية الايتام بالمايقوما وسوف يكون الاحتفال بالسبت 27 مارس القادم وقد أرسل دعوة لصديقة الاعلامى وصاحب برنامج كل الجمال زايع الصيت فى الفضائية السودانية والمطرب المعروف وليد زاكى الدين وهناك فقرات مختلفة ويريدنى أن أساهم بحضور الاجتماعات وتقديم الافكار ووعدته بعد أن عرضت عليه بعض الافكار وطلبت منهم الحضور فى أى لحظة للاجتماع بشقتى وإننى سوف أشارك بقصيدة إن شاء الله وبعد الانتهاء من المكالمة رجعت للارشيف وأستخرجت القصيدة التى كتبتها للاخ عبدالكريم فى مارس الماضى عندما حضرت الى بيرمنجهام لاول مرة وقدموا لى الاخوان دعوة للمشاركة فى إحتفال للاخ عبدالكريم بمناسبة نيله الماجستير فى الاقتصاد وقدمت القصيده فى الاحتفال بعد ساعة من التعرف عليه وعندما كتبتها لم أكن قد ألتقيت به ولكننى كتبت عن الموضوع وهو البذل فى تحصيل الدرجات العلمية والاجتهاد فى الامر وهو الذى تناولته فى قصيدتى رأيت أنها فرصة أن أكتب قصيدة الاخ عبدالكريم والقصيدة التى كتبتها للاطفال اليتامى بمركز المايقوما والان الى قصيدة الاخ عبدالكريم وهى بعنوان كايسين العلم دايرنو لو فى الصين
كاسين العلم طالبنو لو فى الصين
والكل ليك يبارك وماتصيبك عين
أخوانك كتير جد كانوا فرحانيين
وزعوا للتهانى والفل والياسمين
وعقبال العروسة ما تقولوا لى آمين
نفرح بيك تانى ويرجع الغايبين
وأهو السودانى نشيلو فى القلب والعينين
ومحل ما تقبل تشوفو تشوفو خاتى الشين
وعايزين فى العلم فى العلم دكتور ودكتورين
ومن بون أديك تحية وسودانا مشتاقين
من بون أديك تحية وسودانا مشتاقين
صراحة وجدت القصيدة قبول طيب وتفاعل معها كل الحضور والذى كان يمثل كل الاطياف والمدن والولايات السودانية المختلفة فى الفكر السياسى وغيرة . وبعد هذه القصيدة أسمحموا لى أن أقدّم قصيدة أطفال المايقوما والتى كتبتها اليوم بعد ساعة من إتصال الاخ عبدالكريم محمد سليمان فالى القصيدة :
هم أولادنا ونفس اللون والملمح زاتو
هم فلذاتنا بس اُماتم وأبواتُم ... فاتو
فاتو فى لحظة ضعف هرجو وجاطو
وتلقاهو الواحد يتمنى لو .. لو ماتو
******************
شوف كيف الاسلام قال لينا نصين أعراضنا
بإكمال نصف الدين نحفظ أنسابنا ونبعد أمراضنا
نحقق كل ما اتماناهو رسولنا (ص) وكل أغراضنا
نباهى الامم السابقة واللاحقة ونكون حققنا حققنا مرادنا
***************************
وإنت الاب وأبوأحمد وأبو عازة وأبو فاطنة
وهى الام ترضّع وتفطم وزى كل الناس قاطنة
مبسوطة بخير أولادة بناتة تتكلم عربى أو راطنة
الحال مستور والعيش مطمور والمولى نعمتو الجاتنة
****************************
ندفع ليهم من مالنا بنية صدق هم هم أولادنا
وندعو المولى المولى يحفظ أولادنا بناتنا فؤادنا
وكل الامة تكون مسؤوله مسؤوله ومالو مالو سودانا
لون البشرة نصيب من الله من الله والخير راجع لى أجدادنا
لون البشرة نصيب من الله من الله والخير راجع راجع لى أجدادنا
كاسين العلم طالبنو لو فى الصين
والكل ليك يبارك وماتصيبك عين
أخوانك كتير جد كانوا فرحانيين
وزعوا للتهانى والفل والياسمين
وعقبال العروسة ما تقولوا لى آمين
نفرح بيك تانى ويرجع الغايبين
وأهو السودانى نشيلو فى القلب والعينين
ومحل ما تقبل تشوفو تشوفو خاتى الشين
وعايزين فى العلم فى العلم دكتور ودكتورين
ومن بون أديك تحية وسودانا مشتاقين
من بون أديك تحية وسودانا مشتاقين
صراحة وجدت القصيدة قبول طيب وتفاعل معها كل الحضور والذى كان يمثل كل الاطياف والمدن والولايات السودانية المختلفة فى الفكر السياسى وغيرة . وبعد هذه القصيدة أسمحموا لى أن أقدّم قصيدة أطفال المايقوما والتى كتبتها اليوم بعد ساعة من إتصال الاخ عبدالكريم محمد سليمان فالى القصيدة :
هم أولادنا ونفس اللون والملمح زاتو
هم فلذاتنا بس اُماتم وأبواتُم ... فاتو
فاتو فى لحظة ضعف هرجو وجاطو
وتلقاهو الواحد يتمنى لو .. لو ماتو
******************
شوف كيف الاسلام قال لينا نصين أعراضنا
بإكمال نصف الدين نحفظ أنسابنا ونبعد أمراضنا
نحقق كل ما اتماناهو رسولنا (ص) وكل أغراضنا
نباهى الامم السابقة واللاحقة ونكون حققنا حققنا مرادنا
***************************
وإنت الاب وأبوأحمد وأبو عازة وأبو فاطنة
وهى الام ترضّع وتفطم وزى كل الناس قاطنة
مبسوطة بخير أولادة بناتة تتكلم عربى أو راطنة
الحال مستور والعيش مطمور والمولى نعمتو الجاتنة
****************************
ندفع ليهم من مالنا بنية صدق هم هم أولادنا
وندعو المولى المولى يحفظ أولادنا بناتنا فؤادنا
وكل الامة تكون مسؤوله مسؤوله ومالو مالو سودانا
لون البشرة نصيب من الله من الله والخير راجع لى أجدادنا
لون البشرة نصيب من الله من الله والخير راجع راجع لى أجدادنا
bushra mubark- Admin
- المساهمات : 1265
تاريخ التسجيل : 20/11/2008
الموقع : المانيا بون
رد: بيرمنجهام تحتفل لصالح جمع تبرعات لمركز اطفال المايقوما
بالامس السبت 27 أقام المركز السودانى للتطوير بالتعاون مع كل الجاليات والمركز فى بيرمنجهام وبيريطانيا أحتفالاً لدعم الاطفال بدار المايقوما ومركز العجزة والمسنيين بالسودان.
* كان الحفل رائعاً والتنظيم عالياً والحضور كبيراً والاعلام حضوراً القناة السودانية وقناة الشروق ومندوب من إذاعة الديار بيرمنجهام .
* بدأ الاحتفال بالنشيد الوطنى وكلمات المنظميين والضيوف
* قدم بشرى مبارك قصيدة متعلقة بأطفال المايقوما (بعنوان أولادنا فلذات أكبادنا أطفال المايقوما )
* تحدث مندوب السفارة السودانية لندن وأشاد بالمجهود الذى بذل وتبنى نيابة عن السفارة دعم دار المايقوما للاطفال بكل أنواع الدعم ومتابعة الامر لدى الحكومة بالخرطوم
* قدمت ملاذ محمد إحدى المتطوعات المتعاونات مع منظمة أنا السودان الراعية لدار المايقوما نبذة بالصور وتعريف عن ماهية دار رعاية الاطفال بالمايقوما والمشاكل التى تواجه هؤلاء الاطفال منذ خروجهم من بطون أمهاتهم وهى الاهمام والبعد من حنان ورعاية الام وعرضت مناظر مأسوية تتفطر لها الاكباد وتزرف معها الدموع على قسوة الانسان وخاصة الام التى ترمى بفلذة كبدها بسبب العلاقة غير الشرعية .
* ذكّرت الجميع بحديث الرسول صلى الله علية وسلم عن كفالة اليتيم ولابد أن يتحرك أصحاب القلوب الرحيمة والظروف المادية الميسرة لتبنى هؤلاء الاطفال لانهم هم أطفالنا .
* شاركت المطربة إيمان لندن بفواصل غنائية وأغانى شعبية تجاوب معها الحضور والذى كان كبيراً رغم الوصول المتأخر للعدد الكبير منهم .
*لتركيز المتطوعين الذين قدموا الشرح الكافى للدار وركزوا على أمر التبنى كتبت قصيدة أخرى رأيت أن أخاطب بها كل أهل السودان لمشروع التبنى والقصيده بعنوان
أتبنى وما تستنى
لو كنت تريد تريد تتهنى
أسرع ولى أطفالك أتبنى
أطفالنا فى المايقوما فرادى مثنى
أتبنى وكلّم جارك جارك مايسّتنى
إمكن ما تتكرر فرصه وتتمنى
وتلقى الناس كلها تتبنى وما تتأنى
******************
وما تتأخر وتقول لى باكر
وأسرع الحافر بالحافر
وإنت تكون نعم الظافر
وروحك مع روح الطفل الطاهر
وتنجح دنيا وأخرة نجاحك باهر
وتنجح دنيا وأخرة نجاحك باهر
bushra mubark- Admin
- المساهمات : 1265
تاريخ التسجيل : 20/11/2008
الموقع : المانيا بون
مواضيع مماثلة
» إتصالات العيد من بيرمنجهام
» بدأت التبرعات لمركز الانترنت والحاسوب بالسقاى البتلاب
» طلبة المدرسة السودانية برمنجهام يتضامون مع أخوانهم فى مركز المايقوما بالسودان
» جهاز المغتربين يعلن عن توجيه مجهوداته لصالح إغاثة المتضررين من السيول والفيضانات
» الجالية السودانية المانيا (بون) تحتفل بالاستقلال والسلام
» بدأت التبرعات لمركز الانترنت والحاسوب بالسقاى البتلاب
» طلبة المدرسة السودانية برمنجهام يتضامون مع أخوانهم فى مركز المايقوما بالسودان
» جهاز المغتربين يعلن عن توجيه مجهوداته لصالح إغاثة المتضررين من السيول والفيضانات
» الجالية السودانية المانيا (بون) تحتفل بالاستقلال والسلام
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى