منتدى ملتقى أبناء السودان بأروبا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الامثال المنجورة والدفن فى المطمورة

اذهب الى الأسفل

الامثال المنجورة والدفن فى المطمورة Empty الامثال المنجورة والدفن فى المطمورة

مُساهمة  bushra mubark الثلاثاء يناير 19, 2010 11:20 pm

راكوبة جديده للامثال المنجورة والدفن فى المطمورة

--------------------------------------------------------------------------------


الاخوان بمنتدى دار جعل ورواكيب دار جعل والله يا جماعة أنا دخلت رواكيب كتيرة فى دار جعل ونميت وكتبت وما خليت !! دحين أسع ميزانيتى أتصلحت شويه قلت (أقج لى راكوبة براى أخلى الناس يجو معاى وتشوفو كرم ناس السقاى ) وسميت راكوبتى بإسم راكوبة الامثال المنجورة والدفن فى المطمورة وطبعاً عارفين المطمورة شنو ووداللحد شنو والمطمورة هى الحفرة الكبيرة فى القبر (وهو أول بيت فى الاخرة بعد الدنيا ) أسال الله أن تكون بيوتنا كلها السابقين واللاحقين روضة بل رياض من رياض الجنه يارب العالمين. المطمورة تستعمل للدفن الجماعى فى حوادث الغرق حمانا وحماكم الله وتعلمون أن الغريق من الشهداء لذلك رأيت أن أشبه الامثال المنجورة بالمطمورة حتى إذا كانت مبشتنة ندفنه ليك فى مطمورتنا والحمد فى محلو ولامن شاف ولامن درى. وتقوم تحاول تانى وتالت وهكذا ولذلك قلت أبدأ لكم بمثل نجرتو قبل كم يوم وعندو قصه أحتفظ بها !! والآن الى المثل :
((البسأل من الفك والتركيب يوم الضربنار ضربو كلو فى الجبل.))
شرح المثل نفسو والحمد لله كل الشعب السودانى بعد قيام الانقاذ أصبح يضرب نار ويعرف الفك والتركيب الفك والتركيب أول دروس السلاح وتستمر الدروس الى أن يأتى يوم الضربنار وقبل الضربنار يراجع التعلمجية الفك والتركيب جيداً وقواعد التنشين ووضع العتله فى الخفيف والتقيل. فأى طالب أو مستجد فى يوم الضربنار والقيام قبال صلاة الصبح على الدروة يسأل التعلمجية ويقول ليهم أنا مافاهم الفك والتركيب أو كنت ما حاضر لانى رئيس الميس أو عندى أورنيك مرضى تأكد تماماً أنو كل ذخيرتو حا يكبه فى الجبل وطلقة واحده ما بتضرب التخته!!! أو الشاخص!! أما السواده وكراع الكديس فهذة ولايحلم بيها وعندما يتحدث أحدهم وغالباً مايكون أول الرماية أننى ضربت كم سواده فى الفردى 5 أو 10 طلقات أكيد بكون عندو كراع كديس أما صاحبنا بتاع المثل فسوف كون عندو كراع جبل عديل كده !!! وينادى التعلمجية رقم 10 ولا طلقة على التخته وييين فى الجبل طبعاً .

bushra mubark
Admin

المساهمات : 1265
تاريخ التسجيل : 20/11/2008
الموقع : المانيا بون

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى