منتدى ملتقى أبناء السودان بأروبا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تصريحات النفطى بعد إقرار إبداء الرغبة للمريخ !!!!

اذهب الى الأسفل

تصريحات النفطى بعد إقرار إبداء الرغبة للمريخ !!!! Empty تصريحات النفطى بعد إقرار إبداء الرغبة للمريخ !!!!

مُساهمة  bushra mubark الخميس يناير 07, 2010 5:34 pm

موضوع: تصريحات النفطى بعد أن وقع على إقرار إبداء الرغبة اليوم في 2:30 pm

--------------------------------------------------------------------------------

كان أول أمس يومياً لاينسى فى تأريخ حياة اللاعب التونسى عبدالكريم النفطى والذى كاد أن (يقطع فى محطة قنب !!) والسبب جماهير الهلال والتى هتفت بسادومبا ولم يفهم النفطى الحاصل (وقدر ما حنسوة عشان ينزل يحى الجماهير ) رفض وقال ما لى وما الخط المعلق !!وسأل أسئله مشروعة من حق أى لاعب أن يسألها وأليكم الاسئلة :
قال يا جماعة العاصمة الخرطوم أم دارفور مكان الحرب والاباده الجماعية ؟؟؟ قالوا ليهو يازول جماعية شنو ؟؟ إنت القروش دى قروش حكومة ما تحرجنا والله إنت مع أوكامبو؟؟؟ قام قال له قصدى الاباده الفردية لكن قلتها بالتونسى !!!!
*السؤال التانى قال ليهم مباراة مصر والجزائر أعادوها تانى ؟؟ قالوا ليهو لالالالا !! ليه فى شنو قال والله منظر الجماهير البتهتف ذكرنى ناس الجزائر وشبيبة القنابل أقصد القبايل !!!! قالوا ليهو يازول قول بسم الله الرحمن الرحيم إنت خايف من 200 مشجع هلالابى منتظرين مفاجأة الارباب ولو جاب المفاجأة كنت بتسوى شنو ؟؟ خليك من المفاجأة يوم هلال مريخ بتسوى شنو ؟؟ ما تجمد ومال !!
* قال ليهم يا جماعة بكرة أوعه تكون فى هلال مريخ وأنا لاعب ؟؟ لانى من أسع جاتنى حمى من الجماهير البتهتف قبال ما تبدأ الكورة دى !!!
* قال ليهم الجماهير دى سجله الارباب بى كم (كمحترفيين ) قالوا ليهو يا أخى ديل هواه ساكت !!!! وغاويين نكد ومشاكل ما تشتغل بيهم كتير !! كدى أنزل أسع حىّّ ؟؟ يا جماعة أنا قلت ليكم أعفونى من حكاية النزول والله أختى ضربت لى أسع قالت لى لو جدعو ليك جوكرين ما تنزل لان بعد الجوكرين فى حجرين وأى حاجة أتنين أتنين (ودروى وكأس حرام يا ناس دى مش أتنين )
* سأل قال ليهم كل المدن الاخرى تعابة زى العاصمة ؟؟ قالوا ليهو نحنا بس عاصمتنا التعبانة باقى المدن زى تعبان دينق يوم والى ويوم نازل طوالى !!! والله أنا ذاتى مافهمت السؤال ده أظنو تعجيزى !!!!
* قال ليهم البلد ماله مسخنه كده ؟؟ قالوا ليهو من مصفاه الجيلى ومن الجماهير تكورك فوق فوق مريخنا فوق نامن تكلونا جنب الشمس ومرقنا حتى سيكافا الصفيح دى فى الخرطوم غلبونا وشالو مننا الكأس وأسع غايتو الفريق الشال الكأس جبنا الثيردباك بتاعم !!! وجنسيوتو جاهزة !! بس هو اليصل !!!
* قال ليهم يا جماعة ممكن أفسخ؟؟؟ تفسخ شنو ؟ ما فاهمين حاجة قال ليهم أفسخ بالتونسى يعنى أرتاح شوية من الاسئلة الكتيرة ومسيخة دى ,
* أنتهت الاسئلة والاجابة المهمة أن علاء الدين يوسف لقالو صيده وجنينة وراقدة سلطة وواقفة على الهبشة !! . لذلك لزم أن نختم بمسدار لزوم التحلية والشمار :


النفطى القطع وما نزل حياهم
وقال ما بقدر.. أحى إحيو براهم
ناس الهلال ديل. جابم شنو ورّاهم
أبديت بس لى رغبه وأصلى ما بطراهم
والله جاتنى خوفة وماقادر أنزل وأحوم تالهم

bushra mubark
Admin

المساهمات : 1265
تاريخ التسجيل : 20/11/2008
الموقع : المانيا بون

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى