منتدى ملتقى أبناء السودان بأروبا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

هل تريد أن تعرف أين تذهب قروش البترول ؟؟.؟ تابع هذا الموضوع والمسادير

اذهب الى الأسفل

هل تريد أن تعرف أين تذهب قروش البترول ؟؟.؟ تابع هذا الموضوع والمسادير Empty هل تريد أن تعرف أين تذهب قروش البترول ؟؟.؟ تابع هذا الموضوع والمسادير

مُساهمة  bushra mubark السبت يناير 02, 2010 1:21 pm

مسادير تحكى عن قروش بترول السودان أين هى ؟؟؟

--------------------------------------------------------------------------------

أيها الشعب السودانى الفضل إذا أردتم أن تعرفوا أين تذهب قروش البترول السودانى تابعوا هذه المسادير:

قروش بترولنا أدوها جمال الوالى
ويدفع دون حساب يدفع سريع طوالى
سجل وارغو سجل نفطى ما هماهو بى كل غالى
يدفع كاش تمام ما عندو عندو إنتظار ويدفع وتب ما يبالى


هذه الحالة الغير متناسبة مع الفقر المدقع الذى يعيشه معظم الشعب السودانى حيث أصبحت الفوارق بين الذين يملكون السلطة والمال والنفوذ وبين الذين لايملكون (المهمشين ) كبيرة وقبل أن تقوم الانتخابات ربما تغييرت المعادله الى حين ذلك الوقت سوف أواصل فى المسادير وأتمنى أن ينبرى كل وطنى وغيور ومهمش ومدمس بالمشاركة بمسدار وعلى فكره نجر المسدار ساهل بس تابعنى مسدارين تلاتة وشيل معاك( قدومك) أقصد قلمك تلقى نفسك (لو مهمش حقيقى بتكتب ) لكن لو مرطب !!! التطرطيبة والمسادير زى الشحمه والنار يعنى زى علاء الدين يوسف ومصعب عمر (فى غياب الحكم لانو جاى من كريمة !!!!) مع إعتزارى للاخوان مجدى محمد عبيدالله والتاج الشايقى وأحمد وأمين عبدالوهاب أولاد كريمة!!!!! لهذه الحاله التى وصلها الشعب وهو على مرمى حجر من الردكاسل وعينو فى وارقو (طاشم وسايق وطابق !!!!!!وحافى حالق!!!) ولسع فى إنتظارو الجلد!!! يا جماعة خليهو يجيب ليهو قون فى الهلال بعد داك أجلدوا بعدد الدولارات التى دفعت له !!!! وقد كتبت أصور حال أهلنا فى القرى وقلت :

مدّ القرعة فى الحلة أصبح يومى
وحال الناس صعب باعوها حتى هدومى
واحدين كنزوا كنزوا الاخيدر سموهو قالوا بلومى
واحدين وجبة واحده والله وجبه واحده وجبة من أندومى



وبعد الحال ده كلو ومستمر 3 سنين الوالى يدفع والبترول يزيد والاجانب على السودان يتطاقشوا واحدين يقابلوهم بالجنسية السودانية فى سلم الطائرة بمطار الخرطوم (وشيخ حافظ للقران من أهلنا الفولانى الفلاتة فى نيجيريا وقالوا قريب يوسف محمد ويجيد لغة القران هذا الشيخ يقيم فى قرية من قرى سنار يعلم الاولاد القرآن والفقة والحديث وبعد خمس سنوات يكون الامام للمسجد ويقدم طلبه للحصول على الجنسية وتنطبق علية كل الشروط وكان حضورة فى اليوم الذى أعلن فيه السيد إسماعيل الازهرى الاستقلال من داخل البرلمان وعندما سمع بقريبة يوسف محمد ترجاه فتوسط له لدى صلاح إدريس وبالتلفون حرك دفعتى (النور ) فى قسم الاجانب طلبة وحصل على الجنسية بعد25 سنه من تقديم الطلب !!!!!!) وسودانى عديييل يقابلوهو من سلم الطائرة للمعتقل والحالة جاى لى مؤتمر إعلامى غايتو البركة فى الوزير كمال عبداللطيف مرق الراجل من ناس الامن ومشى معانا حتى الفاشر رغم أن كلامو ما عجب الوالى عثمان محمد يوسف كبر رغم اللهجة المشتركة بينهم ورد عليه كبر بعنف (إنك معارض وليس إعلامى !!! أرجو أن تترك الحديث الجانبى وتتركنى أواصل ) وأرجو أن تتركونى أواصل فى مساديرى وأشوف ناس النفطى ديل الاستقبال كيف ؟؟ ياربى أمو وأخواتو القالن ليهو (خريف أبو السعن ده فى السودان ما تمرق منو جايات معاهو أكييييد !!) عندما سمعت أنه يريد التسجيل للمريخ كتبت مقال نصحت الوالى بأن يسجل معاهو لاعب تانى أو يجيب أسرتو كلها والله الوالى ده أطانو خفيفة بشكل بالله أنا فى بيرمنجهام دى (سمعنى !!!) وقالوا حا يسجل المرابط معاهو (عشان يربط لعلاء الدين يوسف يكرهو البنية عفيت منو !!!)واحد قال لى ما سمعك قرأ المنتديات البتمر عليها زى (بتاع اللبن) وتوزع هنا وهناك ماشاء حدك ودبهاى والعيلفون والسقاى والسروراب وأنا سودانى وسودانى للابد والجالية السودانية بون والموج الازرق والنجم الاحمر ) لذلك عن التسجيلات الاخيرة قلت :

الوالى الرئيس يدفع وتب ما خايف
ما ضاربو حجر دقش طب أو قعد متسايف
الكورة الكورة أفيون الشعوب أفيون الشعوب الزايف
الناس أشغلم الناس أبعدم الناس أشغلم بالدورى أو بطرايف

bushra mubark
Admin

المساهمات : 1265
تاريخ التسجيل : 20/11/2008
الموقع : المانيا بون

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى