رثاء الكابتن طيار محمد على (كدرمة )

bushra mubark السبت أكتوبر 31, 2009 12:18 pm

رد: هل تعرفون الشهيد محمد علي كدرمة ؟؟

--------------------------------------------------------------------------------

فى الحقيقة لا أعرف الشهيد طيار محمد على (كدرمة ) ولا أحد من الزملاء الذين أستشهدوا معه فى الطائرة التى أحترقت قبل إسبوع فى مطار الشارقة ولكن تألمت للحادث وتذكرت أيام عملى فى مطار الخرطوم فى الجوازات 1982 حتى 1988م وتذكرت كباتن سودانير العمالقة وقتها زمراوىو شيخ الدين وعبدة عزالدين (شقيق المرحوم سامى عزالدين لاعب المريخ السابق ) وكيف كانوا أقوياء رغم ضعف سودانير وإمكانياتها الشحيحة وقرأت عن الشهيد الطيار وعن مواقف له فهزتنى كل هذه المواقف فكتبت له هذا الرثاء عسى أن يكون مخففاً للاسرة الكريمة ويدعو كل من يطالع الرثاء له بالرحمة وأن يدخله الله الجنة مع الشهداء وأن يتقبله شهيداً لانه ضحى بنفسة وأخوانة وسقط بالطائرة بعيداً من العمران وأنقذ الشارقة من كارثة بشرية فله الرحمة والمغفرة ولاخوانة الذين كانوا معة وأشتشهدوا جميعاً :

النسر المهاب سيد الاسم يا (كدرمة )
كنت البطل .. معروف ليوم الملحمة
معروف خصالك كنت سيد المكرمة
الرحمة ليك كل سجود وكم مرحمة
*****************************
الموت هو حق والصبر للاسرة وعيالو
وللمعاهو المعاهو قبل ما يمسك مجالو
الصبر للزوجة وعزانا .. كتاب نضالو
ما بعرفو ولا قريت...... من قبل مقالو
لكنى ياريت لو بقيت.... أحمل خصالو
ومن منتداى أكتب .. وأدعو الجنة حالو
ويدعو معاى الكل دعاء السجدو قالو
يا ريت مع الشهداء الكرام القبلو نالو
مع حمزة والفاروق عمر الكانو صالو
مع حمزة والفاروق عمر الكانو صالو