الزوجة العاشرة ممكن ؟؟؟ فى زمن الفتوى بالمقاس !!!!!

استعرض الموضوع السابق استعرض الموضوع التالي اذهب الى الأسفل

الزوجة العاشرة ممكن ؟؟؟ فى زمن الفتوى بالمقاس !!!!!

مُساهمة  bushra mubark في الخميس أكتوبر 01, 2009 11:25 am


الاخوة أعضاء ومشتركى وزوار منتدى السقاى وكل المنتديات الاخرى التى أشارك فيها أو ناوى أشارك فيها سلام عليكم .
فى الحقيقة العنوان الذى كتبتة لهذا الموضوع (هو بسبب الهضربة والكلام الكتير عن العرس وهى الواحدة الفى حبالى ما لام فيها أنا فى بلد وهى فى بلد هى معاها بت وولد وأنا برضو معاى بت وولد ولكن قربت تهون وأنا الجلد !!أنا الصابر وصابر يا ولد !!!)
العنوان كوم والموضوع كوم تانى والموضوع عن المنتديات وليس النساء الفضليات (ومعذرة أذا واحدة زعلت من حكاية العشرة أنا عارف واحده بتزعلكن!!!!!).
بدأت أحسب فى المنتديات التى أشارك فيها فعلاً أو فى إنتظار التفعيل ووجدتها (كابست العشرة أو وصلتها عديل !!!) والكتابة فى عشرة منتديات حلوة ورايعة خاصة إذا كنت لديك مقدرة على كتابة الروايات وسرد الحكايات ودفع الجبايات وحضور السمايات وبتشرب (محايات!!!) .
التجوّل والتحوّل من منتدى لاخر مثل حركة الفراشات رغم المسافات ومثل الطائرات بين المطارات ومثل الطلبة فى التدريب (واقفين إدارات !!! ) ومثل شرطى المرور مع الاشارات (لكن بدون جباية وعوارات !!!!) .
لذلك أوصى نفسى وأخوانى ومن عندهم (رصيد كافى ) من المواضيع والتقاليع أن يفكروا فى المنتدى الثانى والثالث والرابع ولى حدى هنا (مسموح بالنسخ ) دون الاخلال بشروط العقد والفسخ !!! وبس تثبت أنو حقك وما لافحو لفح !!!!
تجول أخى بين المنتديات وأسألنى أنا مجرّب والله دعوات المشاركة فى البريد الخاص من برجاس ومن دعاس ومن عباس بن فرناس زاتو !!! آها رايكم شنو أدونا رأيكم نرد ونديكم والى لقاء .



bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى