منتدى ملتقى أبناء السودان بأروبا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الهلال مع كانو بيلارس الاولى فى أم درمان

اذهب الى الأسفل

الهلال مع كانو بيلارس الاولى فى أم درمان Empty الهلال مع كانو بيلارس الاولى فى أم درمان

مُساهمة  bushra mubark الأربعاء سبتمبر 09, 2009 2:32 am



--------------------------------------------------------------------------------

كتبت مقدمة القصيدة للمباراة قبل المباراة كعادتى وقلت :
ما كان عشمنا هيثم القايد يكون فى...... الجوله غايب
وندعو فى شهر الصيام ندعو ونقول...... القيم حبايب
يكفينا هو المولى الرحيم شر الكواديك..... والمصايب
شر الظلم من الحكم معروف عموم أفريقيا ....سايب
يارب يكون وسط الهلال ماسك اللعب .. شاد الركايب
ونحنا فى حبّ الهلال من صغار نامن... راسنا شايب
**************************
أمتعنا بى أحلى العروض .... وسيدا دايما هو قايد
يارب يكون فرحة وعبور ........... بالنصر عايد
بالنصر أو بى نقطة غالية غالية ....... يكون محايد



وبعد المباراة الرايعة التى قدمها الهلال وفرّض فى النصر والتقدم بهدف سيف مساوى الرايع والتحكيم الذى تحدثت عنه لم يخذلنى وكان الحكم الليبى جائرا على الهلال مثل جور الزعيم القذافى على السودان والسودانيين وحديثة الذى سوف يخدم أعداء الوطن وأعداء الوحدة . والى القصيدة :

سيف الدين على ادريس فرح مساوى ما اتبرّم
وبكّر بالهدف شبال .......... شبال وما بتلمّ
قدّم عرض جميل ........ راقى وخفيف الدم
لكن التعادل التعادل ....... كان بطعم السمّ
وفى قرب النهاية ...........غلبونا بالمنّجم
وحكم الساحة ظالم ..... والغيظ علينا كظم
وماكان يدخل مهند ....... ما منسجم حرّم
وكت الكوع حمى جيبو البخمها ...... خمّ
زعلتو الاهلة وزعلت ........ناس عم شمّ
ناوين التأهل نشيلو من ....... من ود عمّ
فى أستاد هلالنا جمهورو .......كيف ينتمّ
وبى اذن الكريم فى الكاس.. عشمنا عشم

bushra mubark
Admin

المساهمات : 1265
تاريخ التسجيل : 20/11/2008
الموقع : المانيا بون

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى