منتدى ملتقى أبناء السودان بأروبا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الجفا ... ربنا يبعدنا من الجفا ومشى الحفا ...!!!!!!

اذهب الى الأسفل

الجفا ... ربنا يبعدنا من الجفا ومشى الحفا ...!!!!!! Empty الجفا ... ربنا يبعدنا من الجفا ومشى الحفا ...!!!!!!

مُساهمة  bushra mubark الثلاثاء يونيو 23, 2009 6:53 pm



--------------------------------------------------------------------------------

* هو فرع من فروع القنع ...وهو قطع وصل...أو بعاد ..أو صد...أو هجر...أو فرقة مقصوده..وشرط أساسي للجفا..أن يتخذ خطوة الجفا أحد الطرفين ..وبهذا يحصل الجفا.

* وهو بين أثنين دوماً ..لكن أحياناً الجفا يشمل الصداقة..والقرابة..والجيران..والحبان.

* وجفا الحبان ..هو نوع من أنواع القسوة ..وقد يتخذها المحبوب تأديباً ..لتصرف أو ابتعاد ..أو تشاغل..أو تناسي ..وربما ايضا.. اصابه ملل في العلاقة فجأة.

* سفر الجفا ..هو سفر بلا وداع ..والسفر عموماً هو مؤلم ..ولكن سفر الجفا.. هو أقسي أنواع السفر.

* وفلان ده جافانا .. هي تأكيد لبعاد..بدون اسباب ..أو الجفا ده جاء فجاة..كلها تؤكد تغير الحال معاك..ومن حنك الشديد داك..بقيت ما زي الأول معانا.

* والحبيب الذي باستطاعته جفاك ..هذا غريب فكيف يستطيع من كان حنه فايت الحد..أن يعيش بدونك..فلا يتصل بك..ولا يعرف أخبارك..وكلها أسباب غير مبرره في الجفا..ومن هذا الجفا الشديد منه..قد يحدث لك أيضاً انت جفا.

* ومرات جفاك بلا أذن.. أذن الجفا أيضاً ليس لديه أذن.. فهو عملة مثل الكراهية.. والحب .. كذلك الجفا والحن.. وجهان لعملة واحدة.

* قد يكون هذا الفلان الذي كان أقرب ليك في الدنيا..هو الآن ابعد زول منك.. نسبة لجفا غريب .. اصبت به جراء جفا الحق بك منه.

* علي العموم الجفا ما حبابو..وجفا الحبان ما ليهو مكان.


و:

يا أنت بقيت جافي نسيت الخوة سلام ما في القليب شن سوى...!!

نقلاً من منتدى النيمة والاخ فهمى عبدالعزيز

bushra mubark
Admin

المساهمات : 1265
تاريخ التسجيل : 20/11/2008
الموقع : المانيا بون

الرجوع الى أعلى الصفحة اذهب الى الأسفل

الجفا ... ربنا يبعدنا من الجفا ومشى الحفا ...!!!!!! Empty رد: الجفا ... ربنا يبعدنا من الجفا ومشى الحفا ...!!!!!!

مُساهمة  bushra mubark الثلاثاء يونيو 23, 2009 6:54 pm


--------------------------------------------------------------------------------

أحبتي
إنشاء الله ما نبقى جافين وما ننسى الخوة وتظل المحبة والمودة هي شعارنا وديدننا والمتجول في حدائق بستان الغناء السوداني الوارفة حتما سوف تسيل مشاعره جداول ويهش الزهر وتبكي الورود من جمال ورقة الأغاني السودانية، ولم ينسى مبدعينا من شعراء وفنانين (الجفا) فقد سطروا لنا روائع كثيرة للجفا نعرض القليل منها ونفتح الباب للإخوان ان يمدونا بما يقع تحت ايديهم من روائع عن الجفا:
يتحفنا: الشاعر اسحق الحلنقي بقصيدته (عيش معاي الحب) التي تغنى بها المبد صالح الضي التي قال فيها:..

ويـن يا وحيد دنياي ويا وحيـد في غرامي
وهبت ليك ايامـي وانت كيـف تسلانـي
وايه جنيت لي قلبك الكان حنـين وجفاني
لو قصدت عذابـي انا في عذابك هانـي
ويمدنا الأستاذ/ الفاضل محمد ابو قدير برائعته (صبح الهنا)
التي لحانها وغنها: الفنان الراحل/ خوجلي عثمان..

يــا غـاليه يـا صـبح الـهنا
يــا نـور حـياتى الـما ونـى
انـسـاكى كـيـف اقـدر انـا
والـشوق مـعاى عـدى الـسنه
الـبـسمه تـحرق فـى الـحشا
والـخـطوة نـسـمه ووشـوشه
وكـــم لـلـجميله ومـدهـشه
الـشـوق مـعاى عـدى الـسنه
يـا حـلوه مـا طـل الـصباح
هـادى الـنسيم زاهـى الـوشاح
داوى الـقـلوب مــن الـجراح
انـا دايـر اسـيب ماضى النواح
لـكـني كـيـف اقــدر انــا
والـشوق مـعاى عـدى الـسنه
خـلـى الـجـفا وعـدم الـوفا
خـلـيهو زى مـاكـان يـكون
جـــل الـمـصور لـلـجمال
رحـمـاك يـا مـولاى صـون
وهكذا يقدم لنا الأستاذ/ الصادق الياس (الرسائل) التي تغنى بها الراحل احمد الجابري:
من طرف الحبيب
جات أغرب رسائل
يحكي عتابه فيها
وقال ناسينه قائل
ياما قال حكاوي
ما خطرت ببالي
قال في كل كلمة
إني جفيته سالي
لو في كل لحظة
لو تعلم بحالي
ما ناسيك والله
ذكراك شاغله بالي
لو أنساك إنت
اكون غدّار وخنته
أسأل عني غيري
واحكم في مصير
ياما تشوف دلائل
ياما قال كلام مالي دخل بيه
إني بروح لغيره
بهوى وأصطفيه
إنشاء الله حياتي تفنى
دا لو فكرت فيه
لا لا وألف لا لا
دا حبك عشت بيه
بدل أشواق ومحنه
ترسل لي مظنه
كلام يجرح شعوري
وما يريح ضميري
من زول عنه سائل ...
واختم بقصيدة الأستاذ الرائع/ عزمى احمد خليل (مـا اتعودتـا اخاف من قـبلك) لحنها وغنها: الهادى الجبل :

ما اتعودتا اخاف من قـبلك
إلا معاك حسيت بالخوف
أعمل آيـه ما القسمه اختارت
وكل الناس حاكماها ظروف
عــارف ويــن خطواتك ماشه
وآخري معاك هو المامعروف

يـاما كتيـر فكرتـه اصارحك
واستـنـيـتك تبدأ السيره
لا أتكلمته ولا لمحته
ولا بـيـنـته الـريده مصيره
والحنيه الكنت بديتها هـسع
بـقت بتشوفه كتيره
وزي خليتنى اشك فى ريدتى
وخفته تكون مشغول بى غيره
أنـا من قـبلك ما اتحيرتا
جيت وريتنى دروب فى للحيره

والله عشانـك ياما صبرتـه
لما الصبر فتر من صبري
ولمـا نـسيـت الـدنيـا وحاتك
من أعمارنا سنينها بتجرى
لا اتلومـته معـاك لا لمـتك
وقلته براك بتحـس بى قدرى
وقـلتا عليك بكره بتتغير
وألقى فى ريدك فرحـة عمرى
إلا لقـيـتـك لـسع تايـه
فـى دنياك ومـتوه أمرى

كم حاولتـا أعاند ذيك
واقسى علـيك بكلمة شويه
إلا وحاتك غصـبـاً عني
قبل عنادى تجى الحنيه
ودربـاً سرتو مـعاك بى قلبى
منو بلاك ما بتبقي الجيه
ما فارقـته فى يوم ذكراك
وأنا ذكراي عـندك منسيه
أنا مـجبـور أـتنى رضاك
وانت أريتك ترضى علىّ ..
تخريمة:
جنابو بشرى الأخ فهمي عبد العزيز موجود معنا بالرياض وقد اتصل علي هاتفيا ثاني يوم من انضمامي الى النيمة وقد سجل لي زيارة هو واسرته الكريمة بالمنزل قبل يومين (الجمعة) وقد اصر ان يأتي لوداع الأولاد وهو شخص رائع وراقي ويحمل لك الكثير من الود والاحترام وتقبل سلامه فقد قابلته اليوم بالمطار كان يودع احد اقربائه، والأخ فهمي ثمرة طيبة من ثمار المنتديات والأخوة في الله.



bushra mubark
Admin

المساهمات : 1265
تاريخ التسجيل : 20/11/2008
الموقع : المانيا بون

الرجوع الى أعلى الصفحة اذهب الى الأسفل

الجفا ... ربنا يبعدنا من الجفا ومشى الحفا ...!!!!!! Empty رد: الجفا ... ربنا يبعدنا من الجفا ومشى الحفا ...!!!!!!

مُساهمة  bushra mubark الثلاثاء يونيو 23, 2009 6:56 pm


--------------------------------------------------------------------------------

والله العظيم صدقكم أبكانى وخوتكم فى الله هى نعم الخوة والروعة فى التفانى..... ولو أكتفيت بهذا القدر لكفانى ....... ولكن فى وجود هؤلاء المبدعين فى شمبات والسقاى مانى واقف مانى واقف... والله العظيم عندما نقلت موضوع فهمى عبدالعزيز من منتدى النيمة لم يكن طموحى أكثر من مطلعين فى حدود 20 فى الشهر كله ...لكن ماشاء الله تبارك الله أذا موضوعك دخّل فيهو الاستاذ ودالطيب قلموا وبدأ فى الابحار من معلوماتة وثقافتة التى لاتحدها حدود (أكيد كسبت وزاد القراء فى اليوم عن ال20) با زول إنت أكان ما ظهر المنتدى ده أنت ما كان (طقيت عديل من المعلومات ) والله أننا نفتخر ونحمد الله أن بيننا ودالطيب الحاج (آها أولادك حايمشوا السودان بالسلامة إن شاء الله )
أغتس أسبوعين وأظهر بى مستعار والله العظيم ياودالطيب تظهر بى مستعار أطلق منتدى السقاى بل وكل المنتديات الى غير رجعة !!!!!! ما عندى كلام أزيدو لكن عندى قصيدة حلمنتيشية للداخلين بالمستعار تجدها فى بوست خلال اليوم بعنوان إسمك الخايف عليهو !!!!

bushra mubark
Admin

المساهمات : 1265
تاريخ التسجيل : 20/11/2008
الموقع : المانيا بون

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى