عزاء فى الرئيس جعفر محمد نميرى (أبعاج أخوى يادراج المحن )

استعرض الموضوع السابق استعرض الموضوع التالي اذهب الى الأسفل

عزاء فى الرئيس جعفر محمد نميرى (أبعاج أخوى يادراج المحن )

مُساهمة  bushra mubark في الثلاثاء يونيو 02, 2009 12:00 am


--------------------------------------------------------------------------------

كتبت هذه القصيدة بالامس وأتممتها اليوم بفندق ميريتم بون حيث مؤتمر البيئة وتقلبات المناخ رقم 30 فى بون المانيا الاتحادية والجدير بالذكر أن الرئيس نميرى علية الرحمه قد تم تشيعية بجنازة رسمية من داخل القصر الجمهورى الى ودنوباوى. وقلت فى رثاء نميرى :
تسلم روحك يا أبعاج أخوى يادراج المحن
يبكنك بناتك ......... والسمحة أم عجن
وكمان أخوات بثينة وأخوات ناس حسن
ويبكوك الرجال ........ راكبين الهجن
عاصرت الرجال ... الحاربو فى كرن
مابتعرف رجوع ..... ولاقيدك حرن
فى عمان هناك ....... وقفت الفتن
يشهد ليك عرب ... ويشهد من رطن
كنت رئيس مهاب ... فى كل الزمن
ويّدك جد عفيفه ....... تدفع بالتمن
رحلت وما تركت .. الدور والفنن
وكنت كريم خصال ..وعزيت الوطن
تصلى الصبح حاضر فارقت الوسن
وجيشك كان مهاب وإنت على الرسن
وعزاك البشير لانك .. لانّك مؤتمن
وأداك كل حقوقك ما أتراخى وهن
يبكوك أخوان سلاحك فى غابر الزمن
ويبكوك إنت الرئيس وما خنت الوطن
يبكيك الوزير زايد .. زايد فى الحزن
وبكيك الصغير الفى... عهدك حضن
وشاف روعة بلادو وعثمان فى شجن
وتبكيك دول الجوار وتبكيك اليمن
وتبكيك المدائن من فاس لى عدن
ناس أرباب العقائد ناس الشيخ ودبدر
حافظين ليك جمايلك ولايكين الصبر
كانوا هناك حضور بى جوار القبر
لو عمرك بعود.... كان أدوك عمر
وفى حرّ النهار....... الزى الجمر
كانوا هناك حضور وصلوا عليك فجُر
لى كل البلاد ضُفت جميع ربوعه
شيدت المصانع وزرعت شجر فروعه
تشهدليك دروبة وتشهد ليك ضروعة
وقفت العطش .. شقيت كتير تروعة
وبنيت المدارس وجيشك بى دروعة
وأمنك كان مصان وشعبك كان قنوعة
وحكمّت الشريعة خمور من غير رجوعة
والامن إستتب.... لاقتل لاشروعة
فى أعلى الجنان ... يارب فيها ساكن
ندعو ليك جميع..... الغايب وقاطن
يدعو ليك مسيد ويدعو ليك مواطن
ويدعو ليك حرم كنت فيهو سادن
ونيمك فى منى وكم أهديت معادن
كلو ليك يدعو وندعو صلاة ومآذن
كلو ليك يدعو وندعو صلاة ومآذن

الرجوع الى المقدمة




bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى