منتدى ملتقى أبناء السودان بأروبا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كيف بنهرب من مصيرنا

اذهب الى الأسفل

كيف بنهرب من مصيرنا Empty كيف بنهرب من مصيرنا

مُساهمة  bushra mubark الأربعاء مايو 06, 2009 11:07 pm


--------------------------------------------------------------------------------

ظهر فى أخبار الامس فى وسائل الإعلام السودانية أن الحركة الشعبية لتحرير السودان والشريك فى حكومة الوحدة الوطنية مع المؤتمر الوطنى قد سجلت كحزب سياسى لدخول الانتخابات وأن البرنامج الانتخابى الذى دخلت به هو تقرير المصير !!!! وليس تقرير الوحدة وأظنها دخلت بفرصتين أو بالاحرى غالبين نكسب درون نكسب مغلوبين ذاتو نكسب إلا 7. صفر وما فوق وحال الحركة الشعبية حال الذى لايذاكر جيداً ويعتمد على (البخرات ) وعندما يضبطة المراقب يعمل مشكلة وللحديث بقية

bushra mubark
Admin

المساهمات : 1265
تاريخ التسجيل : 20/11/2008
الموقع : المانيا بون

الرجوع الى أعلى الصفحة اذهب الى الأسفل

كيف بنهرب من مصيرنا Empty رد: كيف بنهرب من مصيرنا

مُساهمة  bushra mubark الأربعاء مايو 06, 2009 11:09 pm


--------------------------------------------------------------------------------

فى الحقيقة الموضوع طويل وفيهو قصيدة (هجاء ) ولكن أتصل علّى أحد الاخوان ذاكراً لى أن العم محمد عبد الرحمن فى المستشفى الجامعى أصيب بجلطة (والحمدلله خفيفة ) وأسرعت للمستشفى ولم أرجع إلا الان والحمد لله أستقرت حالتة نسبياً وأرجو أن تدعو له . نرجع للموضوع وأدخل طوالى فى القصيدة :
لو إنتو رافعين الشعار........... تقرير مصير
والله نحنا قبلكم حانحتفل........ نشرب عصير
ويا يوم بكرة ما تسرع ....... جد فى المسير
والله جد نحنا البنسعد...... بى سعدكم يا وزير
يا دينق ألور ويا سلفا أسرع ... أسرع بالنفير
والله من قبل المصير خايفيين سؤال منكر نكير
بالله أسرعوا للمصير ما بكرة أحسن من عِصير
قبل القيامة تقوم علينا تكونو..... زعلانين كتير
فى القبر حانشوف عذاب والسؤال حايكون مصير
ولو تحقق ده المصير شايفنو.... أحسن يا ألير
د. فرانسيس ود مجوك ..... وشريف حرير
وشيخ حسن ود الترابى ... أدينا رأيك يا أمير
نقض المواثيق والعهود........ الكان كتير
يوم المصير يصبح قصص قصص فى كتاب سفير
ذى قصة التأريخ زمان ..... ونعوم شقير
وكيف بنهرب من مصيرنا ماعيب عيب كبير
ويا أموم وياسر أقعدوا فى برش أو فى حصير
وفى المنابر كلموا يوم تقولوا الوحدة والتانى المصير
ولو جاء السؤال كيف ده بيكون؟ مانقول عوير !!!
وما بنقول سؤال تعجيزى........ حلو مع البصير
ويا أمّ حمد التور ضبحنا ...وعايزين نكسّر برضو زير
يا أمّ حمد التور ضبحنا ....وعايزين نكسّر برضو زير



bushra mubark
Admin

المساهمات : 1265
تاريخ التسجيل : 20/11/2008
الموقع : المانيا بون

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى