الشاعر محمود نورالدائم يكتب من (ياى غرب الاستوائية )

استعرض الموضوع السابق استعرض الموضوع التالي اذهب الى الأسفل

الشاعر محمود نورالدائم يكتب من (ياى غرب الاستوائية )

مُساهمة  bushra mubark في الإثنين مايو 04, 2009 12:50 am

--------------------------------------------------------------------------------

--------------------------------------------------------------------------------

]اسبتمبر/1974 أرسلت هذه الخاطرة من رئاسة الكتيبة 122 /ياي/غرب الإستوائية إلي الشاعر المجيد الأمين عبد الله ورد عليها في حفل اقيم بالسقاي في حينه فأأمل من شباب السعودية أن يحثوه عل تسجيل ذلك الرد بالمنتدي.
[/i]

الليل يا امين ..... اليل وزاد البي
صابر للهموم .... ما قلت يوم أحي
سلم لي علي ..... الودر منام عيني
صيدة وابعدت .. سكنت خلايا صي
برق العشا الغرباني .....ولع ناري
هب لي نسيما من ديار أم ساري*
أتمناهو دايما البريدو ... جواري
أرقد في ضرا يرقد يميني خداري
المطر انهمر....والقبلي شلع شال
جاب لي الدعاش بعد الهموم آمال
لمتين يا اللمين مولاك يعدل الحال
وتتصلح بعد ... ما قلنا ليمو محال

فرهيد المرين في جزايرو شال نوار
وعمار ام طريفي حاكاهو فاتو خدار
الزول العيونو ... يابو اللمين كفنار
شال قلبي الرهيف ما خلا فيهوعمار

عجيبات يابو اللمين وكت الشعر فكنو
حلات حلو الحديث ... اتاقابلن حبكنو
انامل الموز رخص .. اتقابلن شبكنو
داب قلبي الرهيف ... إتآمرن هلكنو
وينك وينا ياخو السارة ...شبه الصيد
لفايف ديسها زي ..ليلا ضلامو شديد
اسفاي المعاكم ... ما حضرت العيد
ولا سالم قريب روحي المعاي وبعيد

وينك وينها ياخو السارة شبه الريل
بتتمايل فريع المنقة ..... حملو تقيل
إيديتوجديلة النخلة.. الشرابها النيل
حليو لهجو رزين في كلامو ما قويل

ما نست البلد يابو اللمين .. ما تغيت
اتذكرتكم .. من غير شعوري بكيت
ياحليل اللعب في الفودة* والدوبيت
يا حليل التميم* ايام شتانا سليت*

وينك وينها ياخ.. ايامنا ولت كيف
ايام الضهاري كانت ضهاري خريف
ايام الشتا .... وكين نحرس القيف
راحت يا اللمين جزيرة العيش ريف
[i]* ام ساري هي المرحومة الختمة بت الفكي محمد وكانت دارها ودارنا متجاوريتين.
* كانت الفودة ملعبنا في الطفولة وموقعها هو الممنطقة السكنية شرق الزلط كانت خلاء يبعد عن الحلة مسافة 2كلم تقريبا.
* التميم منطقة كثيرة الشجركانت معظم الحلة(السروراب والبتلاب معا) ترحل إليها شتاء ونحن أطفال وتبنني رواكيب نقضي فيها فصل الشتاء حتي زمن الحصاد ونرحل للسقاي مرة أخري.
* السليت منطقة شرق قبة الكباشي ونتعامل معها بنفس طريقة التميم موسم هنا وموسم هناك.[b][i]



بشرى مبارك


بشرى مبارك إدريس يرد على الاخ محمود نورالدائم


التحية للرايع محمود نورالدايم ورغم أننى سمعت بهذة المساجلات الرايعة التى دارت بينك وبين الاخ الشاعر الامين عبد الله والذى كان يقدم لنا روايعة فى حفلات السقاى والبتلاب أما شخصك فقد حرمتة (الظروف الاستوائية ) من عكس هذا العمل الرايع والبركة فى منتدى السقاى ونحمد الله كثيراً ان احيانا لنقرأ ونتطلع على هذا العمل الرايع ورأيت أن أرد بمسدار حتى يحرك الاخ الامين عبدالله مثلما كان يبدع فى السبعينات وبدايات التمانينات فى حفلات القريتين فهل تكرمت أخى الامين ؟ ؟
والان الى المسدار :
يا محمود كتبت ونميت وجبت النمّ
ونمّك كان ظريف وأسع يزيل الهم
يا ريت يا اللمين تدينا... من الشّم
ذى شمّ العطور ... وبالبخور ننجمّ[/size]

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى