برضو الهلال سيد البلد

استعرض الموضوع السابق استعرض الموضوع التالي اذهب الى الأسفل

برضو الهلال سيد البلد

مُساهمة  bushra mubark في الخميس أبريل 02, 2009 2:15 pm


--------------------------------------------------------------------------------

تنقد الرهيفة إن شاء الله ماتترقع
وأصبح حالنا حال الفى لبسو ماشى مرقع
مشاطيبنا الغلبونا وقعادنا خلو مسكع
يالارباب (كلتشى ) حالف علينا مربع
كل مايشوف شباكنا يدينا نامن نشبع
أنضرينا منك والبديل مابشفع
بعد قودوين كلتشى كانوا الثنائى البدّع
لو دفع المشجع من جيبو خلا مشّلع
كان قودوين كلتشى للهلال ما ودّع
وكان فرحتنا واصلة نضحك وكمان نجدّع
بى كأس التوالى والفرق كان الاوسع
وفارقنا الفرح وكلتشى راوغ وزّع
لى شعارو القديم خلاهو صافى منقّع
وركب نجم السعد والوالى هو الاجّدع
وركب نجم السعد والوالى هو الاجّدع
وغنو ليهو نجم السعد وين نجم السعد
ياهو الحبيب ياهو الرصد قدّ الشباك قداها قدّ
ياكلنشى واصل وموج عنيف وكمان زبد
وطمبل معاك وعجبكو داك يا هو السند
والله أيامك حليل أمواج هلال ماليها حد ؟إ
الدنيا كلها ما حاتحلى وأحلامنا نشبع فى النكد
دى سانتوس ..السامبا وين وأخو حمد؟؟؟؟؟؟
الديبة ما شفنا العجب إإ وين الخطط يامعتمد ؟؟؟؟
فى قطر شفت الهلال ما سمعنا منك أىّ رد
ماتقول كلام وعدادنا نازل عدو عد
ماتقول كلام أرباب صلاح إنت ما قالوا أبزرد
وإنت ماقالوا أبزرد مافى المطر من غير رعد
عايزين نغنى هلالنا هو الامواج تشيلك بى وكد
وتسماح جزائر الكرد .. مامثلك ولد
وتسماح جزائر الكرد إنت بتشيل بى وكد

وياهو الهلال رغم الهزائم ياهو الهلال سيد البلد
ولو شيلتو لى كأس السدود .... شيدتو سد
برضو الهلال سيد البلد ....... برضو الهلال سيد البلد

الرجوع الى المقدمة

bushra mubark
Admin

عدد المساهمات : 1265
تاريخ التسجيل : 20/11/2008
الموقع : المانيا بون

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى