قصيدة بعنوان الوحدة ما بالغصب

bushra mubark الثلاثاء فبراير 03, 2009 8:43 pm

--------------------------------------------------------------------------------

سودانا فى كل قلب والكل ليهو بيحب
الوحدة اجمل شعار والحدة مابالغصب
خلوها من غير سلاح خلونا جد ننكرب
خلوها ذى الطيور الرايعة روعة سرب
عيش الطرب دايماً جميل ماتقول غرب
قول ده السودان لو من جنوب جابك درب
جابك درب يوم فى الشمال مافى الحرب
وفى الشرق ما يجيك سيف سهماً غرب
كل السلاح مجدوع بعيد صدق ماكذب
الفى الصناعة والفى الزراعة بدون سلب
والتجارة تجوب بلادنا بدون سلاح بدون نهب
الكل سريع والهمة ذى ناس الهلب
*******************
مافى الصريع مافى الطريح وعلاجنا وافر
ومافى البهاجر للعمل يغيب يسافر
ومافى البشيل الهم علاج فى الصف يدافر
والحرام مايشوفو طب للخمر يعاقر
والسلام يصبح هو واقع فى المرافىء والبيادر
وفى طريقنا كتير خطوط فيها بنسافر
وتعرفنا دايما بالنظام والاهتمام بيهو بنفاخر
وفى القومة بدرى مع البكور فى القيط نعافر
ومحصولنا عالى فى جودتو مالى المطامر
وعايزين نشوف ضىء القمر فيهو بنسامر
وعايزين نشوف ضىء القمر فيهو بنسامر

الرجوع الى المقدمة